कोरोना विरुद्ध खटिनेहरुको सम्मानमा तालि बजाउन चितवनका युवाहरुको आव्हान

चितवन । कोरोना रोग नियन्त्रणको अग्रपंक्तिमा रहेर काम गर्नेहरुको सम्मानमा आज आईतबार साँझ तालि बजाउन युवाहरुले आव्हान गरेका छन् । स्वास्थ्यकर्मी, सुरक्षाकर्मी, संचारकर्मी तथा सरसफाईकर्मीहरूलाई हौसला प्रदान गर्न चितवनका युवाहरुले साँझ ७ बजे तालि बजाउन आव्हान गरेका हुन् ।

‘हिजो आफ्नो घरमा मानिस राख्दा डाक्टर, नर्स, स्वास्थ्यकर्मी र सुरक्षाकर्मी बस्छन् भनेर गर्व गर्ने घरबेटीले आज उनीहरुकै मनोबल घटाउन लागिपरेको अवस्था आएकोले उनीहरूको मनोबल उच्च पार्दै सम्मान र हौसलाका लागि आइतबार बेलुकी ७ बजे आआफ्नो घरको बार्दली वा आँगनबाट उनीहरूको सम्मानमा ताली बजाउन आव्हान गरिएको छ । उनीहरूको सम्मानमा बजाइएको तालीले आफूप्रतिको सम्मान भएको ठान्दै गौरवको महसुस हुने आयोजकले विश्वास लिएका छन् ।

केही दिन यता जिल्लामा संक्रमित चिकित्सक तथा स्वास्थ्यकर्मी, सुरक्षाकर्मी लगायतलाई आत्मसम्मानमा ठेस पुग्ने गतिविधि भएपछि युवाहरुले त्यस्ता गतिविधिलाई निरुत्साहित गर्न अभियान सञ्चालन गरेका हुन् ।