चितवन । चितवनमा कोरोना संक्रमित दिन प्रतिदिन बढ्दै गएका छन् । आज बिहीबार चितवनका १२ जनासहित १६ जनामा कोरोना भाइरस (कोभिड–१९) संक्रमण पुष्टि भएको हो ।
भरतपुर अस्पताल कोभिड–१९ परीक्षण प्रयोगशालामा गरिएको परीक्षणमा चितवनका १२ जना, मकवानपुर, नवलपुर, सर्लाही र तनहुँका एक/एक जना गरी १६ जनामा कोरोना संक्रमण पुष्टि भएको प्रयोगशालाकी प्रमुख डा.नितु अधिकारीले जानकारी दिनुभयो । चितवनमा संक्रमण पुष्टि हुनेमा सबैभन्दा धेरै भरतपुर महानगरपालिकाका छन् । भरतपुर महानगरपालिका वडा नं.२, ४, ७ र १० नम्बरका ८ जना पुरुष र एक जना महिला रहेका छन् । संक्रमित पुरुषहरुमा २० देखि ३५ वर्ष उमेर समूहका रहेका छन् । यस्तै संक्रमण पुष्टि हुने एक महिला २५ वर्षीया हुन् ।
यस्तै पूर्वीचितवनको राप्ती नगरपालिका वडा नं. ९ की ३७ वर्षीया महिला, रत्ननगर नगरपालिका वडा नं. १३ का ६३ वर्षीय पुरुष, खैरहनी नगरपालिका वडा नं. ८ का २३ वर्षीय पुरुषमा कोरोना संक्रमण पुष्टि भएको छ । उनीहरु सबैको भरतपुर अस्पतालबाट स्वाब संकलन गरिएको थियो ।
यस्तै मकवानपुरका २२ वर्षीया महिला, नवलपुरका २८ वर्षीय पुरुष, सर्लाहीका ४५ वर्षीय पुरुष र तनहुँकी २२ वर्षीया महिलामा कोरोना संक्रमण पुष्टि भएको छ ।
तनहुँकी महिला पुरानो मेडिकल कलेजमा उपचाररत छिन् भने अन्यको भरतपुर अस्पतालबाट स्वाब संकलन गरिएको हो । यससंगै चितवनमा कुल कोरोना संक्रमितको संख्या १६४ पुगेको छ ।
कोरोना संक्रमण बढ्दै गएपनि सार्वजनिक स्थलहरुमा मानिसहरुको चहलपहल भने घटेको छैन । स्वास्थ्यका सुरक्षाको मापदण्डहरु पूर्ण रुपमा पालना नगरी मानिसहरुको चहलपहल हुँदा संक्रमण झनै बढ्ने देखिएको छ । विज्ञहरुले अत्यावश्यक काम बाहेक घरबाहिर ननिस्कन र निस्कनै परे पनि माक्सको उचित प्रयोग गरी सामाजिक दूरी कायम गर्दै कार्य गर्न आग्रह गरेका छन् ।
चितवन । चितवनमा कोरोना संक्रमित दिन प्रतिदिन बढ्दै गएका छन् । आज बिहीबार चितवनका १२ जनासहित १६ जनामा कोरोना भाइरस (कोभिड–१९) संक्रमण पुष्टि भएको हो ।
भरतपुर अस्पताल कोभिड–१९ परीक्षण प्रयोगशालामा गरिएको परीक्षणमा चितवनका १२ जना, मकवानपुर, नवलपुर, सर्लाही र तनहुँका एक/एक जना गरी १६ जनामा कोरोना संक्रमण पुष्टि भएको प्रयोगशालाकी प्रमुख डा.नितु अधिकारीले जानकारी दिनुभयो । चितवनमा संक्रमण पुष्टि हुनेमा सबैभन्दा धेरै भरतपुर महानगरपालिकाका छन् । भरतपुर महानगरपालिका वडा नं.२, ४, ७ र १० नम्बरका ८ जना पुरुष र एक जना महिला रहेका छन् । संक्रमित पुरुषहरुमा २० देखि ३५ वर्ष उमेर समूहका रहेका छन् । यस्तै संक्रमण पुष्टि हुने एक महिला २५ वर्षीया हुन् ।
यस्तै पूर्वीचितवनको राप्ती नगरपालिका वडा नं. ९ की ३७ वर्षीया महिला, रत्ननगर नगरपालिका वडा नं. १३ का ६३ वर्षीय पुरुष, खैरहनी नगरपालिका वडा नं. ८ का २३ वर्षीय पुरुषमा कोरोना संक्रमण पुष्टि भएको छ । उनीहरु सबैको भरतपुर अस्पतालबाट स्वाब संकलन गरिएको थियो ।
यस्तै मकवानपुरका २२ वर्षीया महिला, नवलपुरका २८ वर्षीय पुरुष, सर्लाहीका ४५ वर्षीय पुरुष र तनहुँकी २२ वर्षीया महिलामा कोरोना संक्रमण पुष्टि भएको छ ।
तनहुँकी महिला पुरानो मेडिकल कलेजमा उपचाररत छिन् भने अन्यको भरतपुर अस्पतालबाट स्वाब संकलन गरिएको हो । यससंगै चितवनमा कुल कोरोना संक्रमितको संख्या १६४ पुगेको छ ।
कोरोना संक्रमण बढ्दै गएपनि सार्वजनिक स्थलहरुमा मानिसहरुको चहलपहल भने घटेको छैन । स्वास्थ्यका सुरक्षाको मापदण्डहरु पूर्ण रुपमा पालना नगरी मानिसहरुको चहलपहल हुँदा संक्रमण झनै बढ्ने देखिएको छ । विज्ञहरुले अत्यावश्यक काम बाहेक घरबाहिर ननिस्कन र निस्कनै परे पनि माक्सको उचित प्रयोग गरी सामाजिक दूरी कायम गर्दै कार्य गर्न आग्रह गरेका छन् ।