अधिकारीद्वरा पत्रकार पराजुली र रिजालको पुस्तक पत्रकार महासंघलाई हस्तान्तरण

चितवन । नेपाल पत्रकार महासंघ चितवनका उपाध्यक्ष एवंम् नेपाल प्रेस युनियन चितवनका निवर्तमान अध्यक्ष नारायणप्रसाद अधिकारीले पत्रकार वसन्त पराजुली र विनोदबाबु रिजालद्दारा लिखित पुस्तक शुक्रबार नेपाल पत्रकार महासंघ चितवन शाखालाई हस्तान्तरण गर्नु भएको छ ।

अधिकारीले पराजुलीद्वारा लिखित “कुमाता” र रिजालद्वारा लिखित “एकान्तबास” पुस्तक दश÷दश थान महासंघका अध्यक्ष राधेश्याम खतिवाडालाई हस्तान्तरण गर्नु भएको हो । आफ्नो कान्छो छोरा साकार अधिकारीको जन्मोत्सवको अवसर पारि ती किताबहरु हस्तान्तरण गरेको अधिकारीले बताउनुभयो ।

पुस्तक लेखक पत्रकारहरुलाई उर्जा मिलोस् भनेर छोराको जन्मदिनको अवसरमा संकल्प गरी महासंघलाई पुस्तक हस्तान्तरण गरेको अधिकारीले भनाई थियो । पुस्तक नेपाल पत्रकार महासंघका केन्द्रीय सदस्य कृष्ण गिरि सहितको उपस्थितिमा पुस्तक हस्तान्तरण गरिएको हो । सो अवसरमा लेखकहरु पराजुली र रिजालसंगै पुस्तकको बिक्री गर्दै आउनु भएका सम्पूर्ण किताब लायन्सचोकका संञ्चालक लेखराम सापकोटाको उपस्थिति रहेको थियो ।

सो अवसरमा अध्यक्ष खतिवडाले यी पुस्तकहरु पत्रकार महासंघको पुस्तकालयमा राखिने जानकारी दिनुभयो । उहाँले पत्रकारहरुको लेखन क्षमताको कदर महासंघले गर्ने बताउनुभयो ।