सम्पर्क  |  हाम्रो बारेमा  |  मुख्य पृष्ठ  |      |    | 
    • राष्ट्रिय
    • राजनीति
    • समाज
    • चितवन सेरोफेरो
    • अर्थ / बाणिज्य
    • कला/साहित्य
    • खेलकुद
    • अन्तर्राष्ट्रिय
    • विचार / अन्तर्वार्ता

निकुञ्जमा भएको कार्यको नेकपा चितवनद्वारा भत्र्सना


  •    न्युजभित्तो/५ श्रावण २०७७, सोमबार १४:१८ 
  • चितवन । नेपाल कम्युनिस्ट पार्टी (नेकपा) चितवनले शनिबार माडी नगरपालिका वडा नं. ९ कुसुमखोलामा भएको सुकुम्बासीका घरटहरा भत्काउने कार्यको निन्दा गरेको छ । सुकम्बासी चेपाङ समुदायका घरहरुमा चितवन राष्ट्रिय निकुञ्जले आगजनी गर्नुका साथै हात्ती लगाएर घर भत्काएको घटनाप्रति गम्भीर ध्यानाकर्षण भएको नेकपाले जनाएको छ ।

    उक्त बस्तीलाई उचित स्थानान्तरण र आवास निर्माणको काम माडी नगरपालिकाले गरिराखेको बेला उक्त योजनामा समेत अवरोध पु¥याउने गरी सो काम भएको सोमबार एक विज्ञप्ति प्रकाशित गरी उल्लेख गरिएको छ । विज्ञप्तिमा दाङबहादुर प्रजा र दीपबहादुर चेपाङको घरमा आगजनी र अन्य आठवटा घरहरुमा हात्ती लगाई भत्काइएको घटनाको पार्टी घोर निन्दा र भ्रत्र्सना गर्दछ भनिएको छ ।

    विज्ञप्तिमा वर्षातको समयमा न्यूनतम मानवीयता समेत नराखी स्थानीय सरकार र राजनीतिक दलहरुसँगको परामर्श र समन्वय नगरी चितवन राष्ट्रिय निकुञ्जले गरेको यस प्रकारको जनविरोधी कार्य गरेको उल्लेख छ । विज्ञप्तिमा सुकुमबासीका दीर्घकालिन समस्या समाधानका लागि राज्यको ध्यानाकर्षण गराउँदै दोषी उपर कडा कारबाही र घरबार बिहीन जनताको पुनर्वासका लागि जोडदार माग पनि गरिएको छ ।

    नेकपाले अविरल वर्षाका कारणले बाढी पहिरोजस्ता विपतहरु आउन सक्ने र धनजनको क्षति हुने सम्भावना भइरहेको हुँदा विपतका पूर्वतयारी, राहत र पुनस्र्थापनाका लागि तम्तयार रहन सम्पूर्ण कार्यकर्तापंक्ति र आम जनसमुदायलाई अनुरोध गरेको छ ।

    यसैबीच उक्त घटनाको जिल्ला समन्वय समिति चितवनले पनि भत्र्सना गरेको छ । समितिका प्रमुख कृष्णकुमार डल्लाकोटीले सोमबार एक विज्ञप्ति जारी गरी निकुञ्ज प्रशासनबाट चेपाङ समुदाय लक्षित निकृष्ट र अमानवीय कार्य भएको भन्दै आफूहरुको गम्भीर ध्यानाकर्षण भएको जनाएका हुन् ।

    तपाईको प्रतिक्रिया

    ताजा अपडेट

    भरतपुरमा छ स्थानमा खानेपानीका ‘ओभरहेड ट्याङ्की’ निर्माण गरिँदै
    प्रधानमन्त्रीको भारत भ्रमणः द्विपक्षीय हित र सम्बन्ध विस्तारमा केन्द्रित हुन पूर्वपरराष्ट्रमन्त्रीहरूको सुझाव
    आविष्कार केन्द्रको अवलोकन गर्दै मन्त्री तामाङले भने– आविष्कारको युगमा प्रदेश सरकारले सहयोग गर्छ
    • दसैँ–तिहारपछि भरतपुर अस्पतालमा बिरामीको चाप
    • टेन्ट टाँगेर आफ्नै थातथलो फर्किए टिमुरेका बाढीपीडित
    • दूरसञ्चार सेवा प्रदायकलाई जरिवाना र ब्याज मिनाहाको सुविधा
    • धार्मिक पर्यटन प्रवर्द्धन र सनातन धर्मलाई युवापुस्तासँग जोड्नुपर्नेमा मन्त्री तामाङको जोड

    हाम्रो बारेमा

    अध्यक्ष

    तिलक राम रिमाल

    सम्पादक

    सुजाता पोख्रेल  


    फेसबुकमा हामी

    News Vitto - न्यूजभित्तो

    सम्पर्क

      कृति मिडिया प्रा. लि. द्वारा सञ्चालित : न्यूज भित्तो  
       भरतपुर महानगरपालिका – १२, चितवन  

        ९८५५०३३२३६, ९८५५०८२५८५
      info@newsvitto.com, newsvitto@gmail.com
    सूचना तथा प्रसारण विभाग दर्ता नं: १३११/०७५/७६
    © Kriti Media Pvt.Ltd    |  All rights reserved. | Website By : WEBSOFTNEPAL Pvt.Ltd.