जनचेतना फैलाउँदै रोटरी क्लबले बाढ्यो माक्स

नारायणगय । जिल्लामा कोरोना भाईरस (कोभिड –१९) संक्रमण बढ्दै जाँदा सर्वसाधारणको वेवास्था गरेपछि जनचेतना फैलाउने र माक्स वितरण गरिएको छ । रोटरी क्लव अफ नारायणी मिट टाउन र रोट-याक्ट क्लब अफ नारायणी मिट टाउनको संयुक्त आयोजनामा नारायणगढको लाईन्सचोकमा जनचेतना फैलाउनुको साथै मास्क बितरण गरिएको हो ।

कोरोना भाईरसले महामारीको रुप लिएर फैलिरहेको अवस्थामा मानिसहरुले मास्क नलगाई हेलचक्रयाई गरेर हिडेको देखेपछि जनचेतनाको लागि मास्क बितरण गरिएको क्लबले जनाएको छ । जिल्ला ट्राफिक कार्यलय र जिल्ला प्रहरी कार्यलयको समन्वयमा कार्यक्रम गरिएको हो ।

आज आईतबार भएको कार्यक्रमको संयोजकमा रोटरीयन हिरालाल सापकोटा र प्रकाश पौडेल रहनुभएको थियो । कार्यक्रममा उपस्थित रोटरिएन र रोट¥याक्टहरुले मास्क नलगाई हिड्डुल गरेका र सवारी साधन चलाएकाहरुलाई रोकेर मास्क वितरण गर्नुका साथै रोकबाट बच्ने उपायका बारेमा जानकारी गराएका थिए ।

कार्यक्रममा रोयल पेन्ट्सका प्रमुख प्रमेश्वर भण्डारीले ७५० थान एन ९५ मास्क सहयोग गर्नुभएको थियो । कार्यक्रममा रोटरी क्लव अफ नारायणी मिट टाउनका अध्यक्ष यामनाथ दनै , रोट-याक्ट क्लब अफ नारायणी मिट टाउनका अध्यक्ष तेज बहादुर रानाभाट लगायत सम्पूर्ण रोटरीयनहरु र रोट्याक्टहरुको उपस्थिति रहेको थियो । मास्क वितरण कार्यक्रम साउन ५ गते बिहान ७ बजे हाकिमचोकमा हुने जनाईएको छ ।