सञ्चार उद्यमी पौडेल कांंग्रेस चितवनको कार्यसमितिमा मनोनित

चितवन । सञ्चार उद्यमी नविनराज पौडेल नेपाली कांग्रेस चितवनको कार्यसमिति सदस्यमा मनोनित हुनु भएको छ । पार्टीको विधान, निर्देशन तथा निर्णयको अनुसरण गर्दै पार्टीले पौडेललाई आइतबार आमन्त्रित सदस्यमा मनोनित गरेको हो ।

पौडेलले लामो समयदेखि पार्टीको विभिन्न तह र तप्कामा रही काम गर्दै आउनु भएको छ । उहाँले नेपाली कांंग्रेस प्रचार विभाग सदस्यको रुपमा काम गरिसक्नु भएको छ भने लामोसमयदेखि पार्टीको प्रतिष्ठा, हित र संगठन विस्तार लगायत काम गर्दै आउनु भएका छ ।

दुईदशकदेखि सञ्चार क्षेत्रमा क्रियाशील पौडेलले चितवनमा रहेर भरतपुर एफएम, भरतपुर पोष्ट, भरतपुर टिभीलगायतका सञ्चार माध्यम सञ्चालन गर्दै आउनु भएको छ । उहाँ चितवन नवलपुर प्रसारण मञ्चमा समेत आवद्ध हुनुहुन्छ । पौडेल भरतपुर महानगरपालिका वडा नं. ५ को पार्टी प्रतिनिधि पनि हुनुहुन्छ ।