अनिवार्य माक्स प्रयोग गर्न चितवन प्रशासनको आग्रह, अटेर गरे पक्राउ गरिने

चितवन । जिल्ला प्रशासन कार्यालय चितवनले घरबाहिर निस्कँदा अनिवार्य माक्स प्रयोग गर्न र सामाजिक दूरी कायम गर्न आग्रह गरेको छ । कार्यालयले माक्स नलगाउने र सामाजिक दूरी कायम नगर्नेलाई पक्राउ गरी कारवाही गर्ने चेतावनी दिएको छ ।

कार्यालयले सोमबार एक सूचना प्रकाशित गरी पक्राउ गरी संक्रामक रोग ऐन २०२० अनुसार कारबाही गरिने उल्लेख छ ।

कोरोना संक्रमणको खतरा अहिले पनि रहेको र हाल लकडाउन पूर्ण रुपमा नखुली व्यवस्थित मात्र गरिएको प्रशासनले जनाएको छ । जरुरी कामबाहेक घरबाहिर ननिस्कने, निस्कँदा अनिवार्य मास्क लगाउने, एकअर्काबीच कम्तीमा २ मिटरको सामाजिक दुरी कायम गर्नुपर्ने प्रशासनको सूचनामा उल्लेख छ ।