प्रधानमन्त्री ओलीको पक्षमा प्रचण्डको गृहजिल्ला चितवनमा युवा विद्यार्थीको बृहत प्रदर्शन (तस्वीरसहित)

चितवन । नेपाल कम्युनिष्ट पार्टी (नेकपा) का अध्यक्ष पुष्पकमल दाहाल प्रचण्डको गृहजिल्ला चितवनमा प्रधानमन्त्रीको समर्थनमा प्रदर्शन शुक्रबार भएको छ । अस्थिरता निम्त्याउने गरी आएको राजीनामाको विरोध गर्दै उनीहरुले प्रदर्शन गरेका हुन् ।

पार्टीभित्र ओलीलाई प्रधानमन्त्री र अध्यक्ष दुबै पदबाट राजीनामा दिनुपर्ने माग भइरहेका बेला समर्थक युवा विद्यार्थीले दुवै पदबाट ओलीलाई हटाउन नहुने भन्दै भरतपुरको चौविसकोठीमा प्रदर्शन गरेका हुन् । प्रदर्शनमा सहभागीले “सरकार ढाल्न पाइँदैन” “आज होइन भोलिलाई, हाम्रो समर्थन ओलीलाई”, “ओली सिध्याउन किन यत्रो जोड भारतीय विस्तारवादद नेपाल छोड” जस्ता नारा अंकित प्ले कार्ड बोकेर प्रर्दशन गरेका थिए ।

भरतपुरको चौविसकोठीदेखि चितवन मेडिकल केलज सम्म सडक किनारमा प्लेकार्ड र राष्ट्रिय झण्डा सहित प्रर्दशन गरिएको थियो। प्रर्दशनमा ठूलो संख्यामा युवा विद्यार्थीको सहभागिता रहेको थियो । प्रदर्शनमा सहभागीहरुलाई माक्स तथा ग्लोब्स वितरण गरिएको थियो ।