चितवनमा थपिए १३ जना कोरोना संक्रमित

चितवन । जिल्लाका थप १३ जनामा कोरोना संक्रमण पुष्टि भएको छ । भरतपुर अस्पताल कोभिड–१९ परीक्षण प्रयोगशालामा मंगलबार गरिएको परीक्षणको नतिजा मंगलबार प्रकाशित गर्दै भरतपुर अस्पतालले जिल्लामा १३ जना संक्रमित थपिएको जनाएको छ ।

चितवनका संक्रमण पुष्टि हुनेमा भरतपुरका मात्रै १० जना छन् भने दुई जना माडी र एक जना राप्ती नगरपालिकाका हुन् । भरतपुर अस्पतालबाट गरिएको परीक्षणमा माडी नगरपालिका–५ र ३ का २५ र ७३ वर्षका पुरुषमा कोरोना संक्रमण पुष्टि भएको छ । यस्तै सोही अस्पतालमा उपचाररत भरतपुर महानगरपालिका–७ र २२ बस्ने २६ र ५० वर्षीय पुरुष, भरतपुर–११ बस्ने वर्ष ४५ की एक महिला रहेका छन् ।

यस्तै नारायणी सामुदायिक हस्पिटलमा उपचाररत खैरहनी नगरपालिका का ६१ वर्षीय पुरुष र राप्ती नगरपालिका–१ की १२ वर्षीया बालिकामा कोरोना संक्रमण पुष्टि भएको भरतपुर अस्पतालले जनाएको छ । यस्तै भरतपुर महानगरपालिकाको वडा नंं. ९, ४, २२, २५ र २६ नम्बर वडाका २१ देखि ४८ वर्ष उमेर समूहका ६ जनामा कोरोना संक्रमण पुष्टि भएको छ ।

यस्तै भरतपुरको सेन्ट्रल हस्पिटलमा उपचाररत गोर्खाको मनकामना बस्ने ३० वर्षीया महिला र भरतपुर अस्पतालमा झापा दमक–३ बस्ने ३५ वर्षीया महिलामा कोरोना संक्रमण पुष्टि भएको भरतपुर अस्पतालले जानकारी दिएको छ ।