चितवन । जननेता मदनकुमार भण्डारीको शव प्राप्त गर्ने र नदीबाट बाहिर ल्याउन सहयोग गर्ने मध्येका एक टोकमान गुरुङलाई खाद्यान्न सहयोग गरिएको छ । मदन भण्डारी फाउण्डेशन चितवनका अध्यक्ष डा. तिलचन्द्र भट्टराईले व्यक्तगत रुपमा शनिबार सहयोग उपलब्ध गराउनु भएको हो ।
गाजीपुरस्थित गुरुङको घरमा नै पुगेर अध्यक्ष भट्टराईसहित फाउण्डेशन चितवनका पदाधिकारीहरुले राहत हस्तान्तरण गर्नुभयो । गुरुङलाई तत्काल राहतका लागि एक बोरा चामल, दुई किलो दाल, दुई लिटर खाने तेल, नुन लगायतका दैनिक उपभोग्य वस्तु हस्तान्तरण गरिएको छ । लकडाउनका कारण दैनिक गुजारा चलाउन समस्या भएपछि गुरुङलाई सहयोग हस्तान्तरण गरिएको हो ।
बि.सं. २०५० सालमा चितवनको दासढुंगामा रहस्यमय जीप दुर्घटनामा पर्नु भएका तत्कालिन नेकपा एमालेका महासचिव मदन कुमार भण्डारीको शव जिल्लाको गाँजीपुरस्थित नारायणी नदीमा फेला परेको थियो । सो समयमा गुरुङलगायतका ६ जनाले शव प्राप्त गर्नुका साथै नदीबाट शव बाहिर ल्याउने काम गर्नुभएको थियो । अन्यको आर्थिक स्थिति सन्तोषजनक भए पनि गुरुङलाई अप्ठ्यारो भएपछि सहयोग उपलब्ध गराईएको फाउण्डेशन चितवनका उपाध्यक्ष शम्भु सुवेदीले जानकारी दिनुभयो ।
यसैबीच मदन भण्डारी फाउण्डेशन चितवनले आईतबार (असार १४ गते) मदन जयन्तीको अवसरमा गाजीपुरमा नै कार्यक्रमको आयोजना गर्दैछ । मदन स्मृति पार्कमा निर्मित भण्डारीको अर्धकदको शालिक अनावरण गर्ने कार्यक्रम रहेको फाउण्डेशन चितवनका सचिव श्याम बिष्टले जानकारी दिनुभयो ।
चितवन । जननेता मदनकुमार भण्डारीको शव प्राप्त गर्ने र नदीबाट बाहिर ल्याउन सहयोग गर्ने मध्येका एक टोकमान गुरुङलाई खाद्यान्न सहयोग गरिएको छ । मदन भण्डारी फाउण्डेशन चितवनका अध्यक्ष डा. तिलचन्द्र भट्टराईले व्यक्तगत रुपमा शनिबार सहयोग उपलब्ध गराउनु भएको हो ।
गाजीपुरस्थित गुरुङको घरमा नै पुगेर अध्यक्ष भट्टराईसहित फाउण्डेशन चितवनका पदाधिकारीहरुले राहत हस्तान्तरण गर्नुभयो । गुरुङलाई तत्काल राहतका लागि एक बोरा चामल, दुई किलो दाल, दुई लिटर खाने तेल, नुन लगायतका दैनिक उपभोग्य वस्तु हस्तान्तरण गरिएको छ । लकडाउनका कारण दैनिक गुजारा चलाउन समस्या भएपछि गुरुङलाई सहयोग हस्तान्तरण गरिएको हो ।
बि.सं. २०५० सालमा चितवनको दासढुंगामा रहस्यमय जीप दुर्घटनामा पर्नु भएका तत्कालिन नेकपा एमालेका महासचिव मदन कुमार भण्डारीको शव जिल्लाको गाँजीपुरस्थित नारायणी नदीमा फेला परेको थियो । सो समयमा गुरुङलगायतका ६ जनाले शव प्राप्त गर्नुका साथै नदीबाट शव बाहिर ल्याउने काम गर्नुभएको थियो । अन्यको आर्थिक स्थिति सन्तोषजनक भए पनि गुरुङलाई अप्ठ्यारो भएपछि सहयोग उपलब्ध गराईएको फाउण्डेशन चितवनका उपाध्यक्ष शम्भु सुवेदीले जानकारी दिनुभयो ।
यसैबीच मदन भण्डारी फाउण्डेशन चितवनले आईतबार (असार १४ गते) मदन जयन्तीको अवसरमा गाजीपुरमा नै कार्यक्रमको आयोजना गर्दैछ । मदन स्मृति पार्कमा निर्मित भण्डारीको अर्धकदको शालिक अनावरण गर्ने कार्यक्रम रहेको फाउण्डेशन चितवनका सचिव श्याम बिष्टले जानकारी दिनुभयो ।