चितवनको कालिकामा मोटरसाईकल दुर्घटना हुँदा एकको मृत्यु

चितवन । जिल्लाका कालिका नगरपालिकामा सोमबार बिहान दुर्घटना हुँदा एक जनाको मृत्यु भएको छ । जिल्ला प्रहरी कार्यालय चितवनका अनुसार कालिका ६, स्थित भित्री सडक खण्डमा बिहान १ बजेको समयमा दुर्घटना भएको हो ।

मृत्यु हुनेमा कालिका नगरपालिका ४ का २७ वर्षिय राम महत्तो रहेको प्रहरीले जनाएको छ । जिल्ला प्रहरी कार्यालय चितवनका अनुसार कमलपुरबाट स्वामीपुरतर्फ गइरहेको प्रदेश ३–०३–००२ प २०२३ नम्बरको पल्सर मोटरसाइकल खेतमा पानी लैजाने कुलोको कल्भर्टबाट खसेको थियो ।

दुर्घटनामा गम्भीर घाइते उनलाई तत्काल भरतपुर अस्पताल ल्याईएको थियो । उपचारको क्रममा बिहान २ः२५ बजे नै मृत्यु भएको प्रहरीले जनाएको छ ।