चितवनका कोरोना संक्रमितको शव नेपाली सेनाद्वारा व्यवस्थापन

चितवन । कोरोना संक्रमणबाट मृत्यु भएका भरतपुरका बृद्धको शव नेपाली सेनाले व्यवस्थापन गरेको छ । सोमबार कोरोना पुष्टि भई मंगलबार बिहान भरतपुर अस्पतालमा उपचारका क्रममा मृत्यु भएका ६८ वर्षिय वृद्धाको शब कालिबहादुर गणले व्यवस्थापन गरेको हो ।

भरतपुर महानगरपालिका वडा नम्बर १ बागेश्वरी वन क्षेत्रमा शव व्यवस्थापन गरिएको छ । नारायणी नदी नजिकै खाल्डो खनेर शब व्यवस्थापन गरिएको हो । शब व्यवस्थापन अघि मृतकका परिवारले आफ्नो धार्मिक परम्परा अनुसार पूजा गरेका थिए । उनीहरु गुरुङ समुदायका हुन् । सो पश्चात जेसिबिले खनेको खाल्डोमा शवलाई राखि पुरिएको थियो ।

नेपाली सेनाले शवलाई भरतपुर अस्पतालबाट शववाहनमा राखेर लगेको थियो ।