तरुण दल चितवनले आयोजना गरेको रक्तदानमा १०१ प्रिन्ट रगत संकलन

चितवन । नेपाल तरुण दल चितवनले आइतबार नारायणगढमा खुल्ला रक्तदान कार्यक्रम आयोजना गरेको छ । नारायणगढस्थित पर्व व्याङक्वेटमा भएको कार्यक्रममा १५ जना महिलासहित एक सय १ जनाले रक्तदान गरेको कार्यक्रम संयोजक प्रदीप लामिछानेले जानकारी दिनुभयो ।

नेपाली काँग्रेस चितवनका सभापति जीतनारायण श्रेष्ठले उद्घाटन मन्तव्य व्यक्त गर्दै रक्तदान जस्तो महत्वपूर्ण कार्यक्रम गर्ने तरुण दललाई धन्यवाद ज्ञापन गर्नुभयो । कार्यक्रमका सभापति तरुण दलका जिल्ला अध्यक्ष राजन ताम्राकारले जिल्लामा रगत अभाव देखिएकाले मानवीय सेवा स्वरुप रक्तदान कार्यक्रम गरिएको बताउनुभयो ।

लकडाउनका कारण चितवनमा रगतको अभाव सृजना भएको छ । धेरै कम मात्रामा रक्तदान कार्यक्रमहरु हुँदा जिल्लामा रगत अभाव देखिएको हो ।