दुई हजार नाघ्यो संक्रमितको संख्या, थप २८८ जनामा कोरोना पुष्टि

काठमाडौं । पीसीआर विधिबाट गरिएको कोरोना परीक्षणमा थप २८८ जनामा कोरोना संक्रमण पुष्टि भएको छ । २७० जना पुरूष र १८ जना महिला रहेका छन् । योसँग नेपालमा संक्रमित संख्या दुईहजार ९९ पुगेको मंगलबार स्वास्थ्य तथा जनसंख्या मन्त्रालयको नियमित पत्रकार सम्मेलनमा प्रवक्ता डा. विकास देवकोटाले जानकारी दिनुभयो ।

उहाँका अनुसार ४५ जना डिस्चार्ज भएका छन् । यो सँगै कुल २६६ डिस्चार्ज भएका छन् । क्वारेन्टाइनमा एकलाख ४५ हजार ३७५ रहेका छन् । आइसोलेसनमा एकहजार ८२५ रहेका छन् ।