बाँके दुर्घटना अपडेट : मृत्यु हुनेको संख्या १२ पुग्यो

नेपालगञ्ज । बाँकेमा भएको सवारी दुर्घटनामा ज्यान गुमाउनेको संख्या १२ पुगेको छ। उपचारको क्रममा सोमबार बिहान थप एकजनाको मृत्यु भएपछि ज्यान गुमाउनेको संख्या १२ पुगेको हो ।  यससँगै घाईतेको संख्या २१ रहेको छ । 

नेपालगञ्जबाट सल्यानतर्फ जाँदै गरेको बस दुर्घटना, ११ जनाको मृत्यु, २२ घाईते

नेपालगञ्ज । बाँकेमा आइतबार मध्यराति गाडी दुर्घटना हुँदा ११ जनाको मृत्यु भएको छ, २२ जना घाइते भएका छन्।

पूर्वपश्चिम राजमार्गअन्तर्गत बाँकेको राप्तीसोनारी–२ स्थित ठुरिया जंगलमा राति १२ः३० बजेतिर गाडी दुर्घटनामा परेको हो। जिल्ला प्रहरी कार्यालय बाँकेका अनुसार नेपालगन्जबाट सल्यान जाँदै गरेको ना ५ ख ५९९५ नम्बरको गाडी रोकिराखेको बा ४ ख ९०६४ नम्बरको ट्रकमा ठोक्किएको हो।

दुर्घटनामा ११ जनाको घटनास्थलमै मृत्यु भएको छ भने २२ जना घाइते भएको प्रहरीले जनाएको छ। घाइतेहरुलाई भेरी अस्पताल लगिएको छ। शव पनि त्यही अस्पतालको शव गृहमा राखिएको छ। गाडीमा बसवार भारतबाट आएकाहरु रहेको प्रहरीको भनाई रहेको छ । मृतकको सनाखत हुन बाँकी रहेको प्रहरीले जनाएको छ।