रेडियो शिवशक्तिका कर्मचारी तथा पत्रकारको कोरोना बीमा

शिवनगर (चितवन) । शिवशक्ति सामुदायिक संस्था शिवनगरद्वारा सञ्चालित रेडियो शिवशक्तिले आफ्ना कर्मचारी तथा पत्रकारको कोरोना भाईरस (कोभिड–१९) को बिमा गरेकोे छ । कोरोना जोखिमको समयमा काम गर्ने कर्मचारहरुको बीमा गरिएको हो ।

सम्भावित जोखिमबाट कर्मचारीको मनोबल उच्च राख्नको लागि बिमा गरिएको रेडियोका अध्यक्ष भिमप्रसाद पोखरेलले बताउनुभयो । कोराना भाईरस परीक्षणमा पोजिटिभ देखिएमा केही दिनभित्रै बिमितले तरुन्तै रकम दाबी गर्ने पाउने भएका छन् । बिमाको समय अबधी १ बर्षको हुने छ । महामारीको समयमा जोखीम मोलेर संचारकर्म गर्नु पर्नेभएकोले कर्मचारीको सुरक्षा र हौसलाको लागि बिमा गरिएको स्टेसन म्यानेजर रमेश पौडेलले जानकारी दिनुभयो ।

सामुदायिक रेडियो, रेडियो शिवशक्तिले सिद्धार्थ इन्स्योरेन्स लिमिटेड कम्पनीबाट कर्मचारीको बीमा गरेको हो । रेडियो शिवशक्तिले कोरोना भाईरसबाट बच्नका लागि आवश्यक सुरक्षा अपनाई आम नागरिकलाई सुसुचित गर्दै आईरहेको छ ।