नेपाल इन्भेष्टमेण्ट बैंकद्वारा फोटो पत्रकार महासंंघलाई प्रेस ज्याकेट सहयोग

काठमाडौँ । नेपाल फोटो पत्रकार महासंघलाई नेपाल इन्भेष्टमेण्ट बैंक लिमिटेडले पहिलो चरण अन्तर्गतको दुई सय ५० थान प्रेस ज्याकेट सहयोग प्रदान गरेको छ ।

उक्त परिणामको प्रेस ज्याकेट बैंकका प्रमुख कार्यकारी अधिकृत ज्योती प्रकाश पाण्डेले शुक्रबार काठमाडौँमा हस्तान्तरण गर्नुभयो । फोटो पत्रकार महासंघका केन्द्रिय अध्यक्ष ध्रुब आले र अन्य पदाधिकारीहरुलाई उक्त परिमाणको ज्याकेट हस्तान्तरण गरिएको महासंघका महासचिव हरिप्रसाद रेग्मीले बताउनुभएको छ ।

कोरोनाभाइरसको महामारिका कारण जारी लकडाउनको अवस्थामासमेत फोटो पत्रकारहरुलाई कार्यक्षेत्रमा जानैपर्ने बाध्यात्मक अवस्था भएकाले प्रेस ज्याकेटले रिपोर्टिङमा हिँड्न सजिलो र व्यवहारिक हुने रेग्मीले बताउनुभयो ।

कोरोना महामारिको जोखिमलाई मध्यनजर गर्दै पछिल्लो समयमा विभिन्न संघसंस्थाहरुले सहयोग गरेको प्रेस ज्याकेट, मास्क र सेनिटाईजर महासंघले खासगरि जिल्लामा कार्यरत फोटोपत्रकारलाई विभिन्न चरणमा उपलब्ध गराउँदै आईरहेको अध्यक्ष ध्रुव आलेले बताउनुभयो ।