नेकपाको सचिवालय बैठक आज बस्दै

काठमाडौँ । पार्टीभित्र विकसित पछिल्ला घटनाक्रमलाई लिएर नेपाल कम्युनिष्ट पार्टी (नेकपा)को सचिवालय बैठक आज बस्दैछ । बैठक साँझ ५ बजेपछि प्रधानमन्त्री निवास बालुवाटार बस्न लागेको हो ।

हिजो नै सचिवालय बैठक बस्ने भनिए पनि पार्टीका शीर्ष नेताहरुबीच छलफल केन्द्रीत भएकोले बैठक आजका लागि सारिएको थियो । प्रधानमन्त्री एवम् पार्टी अध्यक्ष केपी शर्मा ओली र अर्का अध्यक्ष पुष्पकमल दाहाल ‘प्रचण्ड’बीच छलफल भएपछि बैठक आजका लागि सारिएको थियो ।

सचिवालय बैठकमा समसामयिक राजनीति र स्थायी कमिटी बैठकको विषयमा छलफल हुने बताइएको छ ।