कोरोनाका कारण फेरि अर्का भूपू गोरखा सैनिकको निधन

लण्डन । कोरोना भाइरसका कारण बेलायतमा फेरि अर्का एक भूतपूर्व गोरखा सैनिकको निधन भएको छ । स्जाङ्जा वालिङ घर भई हाल बेलायतको स्वीन्डन शहरमा बस्दै आउनुभएका ८६ वर्षीय यामबहादुर मल्लको उपचारका क्रममा शनिबार ग्रेट वेष्टर्न अस्पतालमा निधन भएको हो ।

मृतक मल्ल सन् २००४ देखि आफ्ना छोराबुहारीसँग बस्दै आउनुभएको थियो । चार दिनअघि रुघाखोकी र पखाला लागेपछि मल्ललाई अस्पताल भर्ना गरिएको क्षेत्री समाज, बेलायतका अध्यक्ष राजनकुमार क्षेत्रीले बताउनुभयो ।