रत्ननगरमा तीन सय बालश्रमिक श्रमबाट मुक्त, अझै एक सय २४ बाँकी
/२४ बैशाख २०७६, मंगलवार २२:१८
रत्ननगर : रत्ननगर नगरपालिकाले दुई बर्षमा तीन सय बालश्रमिकलाई श्रमबाट मुक्त गरेको छ । नगरमा सञ्चालित बालसंरक्षण तथा बालश्रम न्यूनीकरण कार्यक्रम अन्तर्गत २०७३ चैतदेखि २०७५ चैत मसान्तसम्म ३ सय ५ जना बालश्रमिकलाई श्रमबाट मुक्त गरेको हो ।
नगरभित्रका होटल, कारखाना तथा घरमा कार्यरत श्रमिक बालबालिकालाई श्रमबाट मुक्त गरी परिवारमा पुनर्मिलन गरिएको नगरपालिकाका प्रमुख नारायण वनले जानकारी दिनुभयो । श्रमबाट मुक्त गरिएका अधिकाँश बालबालिकालाई शिक्षा प्रदान गरिएको छ भने केहीलाई सीपमूलक तालिम प्रदान गरिएको छ ।
बालसंरक्षण तथा बालश्रम न्यूनिकरण कार्यक्रम सञ्चालन गरिरहेको सेवा प्रदायक संस्था रत्ननगर उद्योग वाणिज्य संघले बालबालिकालाई शिक्षा प्रदान गर्न विद्यालयमा भर्नासँगै आवश्यक शैक्षिक सहयोग गरिरहेको छ । परिवारको आर्थिक अवस्था कमजोर भएका कारण उनीहरुका छोराछोरी श्रम बजारमा आएका पाइएको छ । बालबालिकालाई श्रम बजारमा आउन नदिन नगरपालिकाले परिवारको आयआर्जनको लागि समेत काम गरिरहेको छ ।
“परिवारको आर्थिक उपार्जनको माध्यम बनाउन हामीले सहयोग गर्दै आएका छौं” प्रमुख वनले भन्नुभयो “परिवारको आर्थिक अवस्थामा सुधार गरेर उनीहरुका छोराछोरीलाई विद्यालय जाने वातावरण बनाउने योजना रहेको छ ।” रत्ननगरलाई आगामी फागुन महिनाको अन्तिम साता बालमैत्री नगर घोषणा गर्ने योजना रहेको छ । अहिलेसम्म वडा नं ३, ५, १०, १६ मात्र बालमैत्री तथा बालश्रममुक्त वडा घोषणा गरिएको छ । वडा नं १५ लाई यही बैशाख २७ गते बालमैत्री तथा बालश्रममुक्त वडा घोषणा गर्ने तयारी गरिएको छ ।
१० महिनाको अबधिमा ११ वटा वडा बालमैत्री घोषणा घोषण गर्ने पर्ने र १२४ जना श्रमिक बालबालिकालाई श्रमबाट मुक्त गर्नै पर्ने दवावमा नगरपालिका रहेको छ । रत्ननगरमा अझै १२४ जना बालश्रमिक कार्यरत छन् । वडा नं १ र २ अन्तर्गत पर्ने बकुलहर र टाँडी बजारका होटलहरुमा बालश्रमिक कार्यरत रहेका छन् । विशेष गरी मिठाई पसल र रेष्टुरेण्टहरुमा बालश्रमिक कार्यरत रहेको बताइएको छ । होटल तथा रेष्टुरेण्टमा कार्यरत बालश्रमिकलाई श्रमबाट मुक्त गरी एकमुष्ट रुपमा बाँकी सबै वडाहरुलाई बालमैत्री घोषणा गर्ने योजनामा रहेको प्रमुख वनले बताउनुभयो ।
रत्ननगर :
रत्ननगर नगरपालिकाले दुई बर्षमा तीन सय बालश्रमिकलाई श्रमबाट मुक्त गरेको छ । नगरमा सञ्चालित बालसंरक्षण तथा बालश्रम न्यूनीकरण कार्यक्रम अन्तर्गत २०७३ चैतदेखि २०७५ चैत मसान्तसम्म ३ सय ५ जना बालश्रमिकलाई श्रमबाट मुक्त गरेको हो ।
नगरभित्रका होटल, कारखाना तथा घरमा कार्यरत श्रमिक बालबालिकालाई श्रमबाट मुक्त गरी परिवारमा पुनर्मिलन गरिएको नगरपालिकाका प्रमुख नारायण वनले जानकारी दिनुभयो । श्रमबाट मुक्त गरिएका अधिकाँश बालबालिकालाई शिक्षा प्रदान गरिएको छ भने केहीलाई सीपमूलक तालिम प्रदान गरिएको छ ।
बालसंरक्षण तथा बालश्रम न्यूनिकरण कार्यक्रम सञ्चालन गरिरहेको सेवा प्रदायक संस्था रत्ननगर उद्योग वाणिज्य संघले बालबालिकालाई शिक्षा प्रदान गर्न विद्यालयमा भर्नासँगै आवश्यक शैक्षिक सहयोग गरिरहेको छ । परिवारको आर्थिक अवस्था कमजोर भएका कारण उनीहरुका छोराछोरी श्रम बजारमा आएका पाइएको छ । बालबालिकालाई श्रम बजारमा आउन नदिन नगरपालिकाले परिवारको आयआर्जनको लागि समेत काम गरिरहेको छ ।
“परिवारको आर्थिक उपार्जनको माध्यम बनाउन हामीले सहयोग गर्दै आएका छौं” प्रमुख वनले भन्नुभयो “परिवारको आर्थिक अवस्थामा सुधार गरेर उनीहरुका छोराछोरीलाई विद्यालय जाने वातावरण बनाउने योजना रहेको छ ।” रत्ननगरलाई आगामी फागुन महिनाको अन्तिम साता बालमैत्री नगर घोषणा गर्ने योजना रहेको छ । अहिलेसम्म वडा नं ३, ५, १०, १६ मात्र बालमैत्री तथा बालश्रममुक्त वडा घोषणा गरिएको छ । वडा नं १५ लाई यही बैशाख २७ गते बालमैत्री तथा बालश्रममुक्त वडा घोषणा गर्ने तयारी गरिएको छ ।
१० महिनाको अबधिमा ११ वटा वडा बालमैत्री घोषणा घोषण गर्ने पर्ने र १२४ जना श्रमिक बालबालिकालाई श्रमबाट मुक्त गर्नै पर्ने दवावमा नगरपालिका रहेको छ । रत्ननगरमा अझै १२४ जना बालश्रमिक कार्यरत छन् । वडा नं १ र २ अन्तर्गत पर्ने बकुलहर र टाँडी बजारका होटलहरुमा बालश्रमिक कार्यरत रहेका छन् । विशेष गरी मिठाई पसल र रेष्टुरेण्टहरुमा बालश्रमिक कार्यरत रहेको बताइएको छ । होटल तथा रेष्टुरेण्टमा कार्यरत बालश्रमिकलाई श्रमबाट मुक्त गरी एकमुष्ट रुपमा बाँकी सबै वडाहरुलाई बालमैत्री घोषणा गर्ने योजनामा रहेको प्रमुख वनले बताउनुभयो ।