कांँग्रेस चितवन एक महिने जागरण अभियानमा, सक्रिय रहन कार्यकर्ता, भातृ र शुभेच्छुक संस्थालाई आग्रह

चितवन : नेपाली कांग्रेस चितवन एक महिने जागरण अभियानमा लागेको छ । अभियानलाई प्रभावकारी बनाउन कार्यकर्ता, भातृ संस्था र शुभेच्छुक संस्थाहरुलाई कांग्रेस चितवनले आग्रह गरेको छ ।

काँग्रेस चितवनका सभापति जीतनारायण श्रेष्ठले एकमहिने जागरण अभियानलाई प्रभावकारी र व्यवस्थित बनाईने बताउनुभयो । बुधबारबाट शुरु हुने अभियानलाई प्रभबकारी वनाउनका लागि सबै तहहरुलाई निर्देशन जारी गरेको उहाँले बताउनुभयो ।

सभापति श्रेष्ठका अनुसार जागरण कार्यक्रम अन्तर्गत जिल्लाका सबै स्थानीय तहहरुमा अहिलेको सरकारले गरेका गलत कामको भण्डाफोर गर्ने, पार्टीको विधान र महासमितिले गरेको निर्णयका बारेमा कार्यकर्ताहरुलाई जानकारी गराउने, अन्तक्र्रिया कार्यक्रमहरु गर्ने, शहीद परिवार तथा अग्रज काँग्रेसहरुसँग भेटघाट गर्ने कार्यक्रम रहेको छ । भातृ एवम् शुभेच्छुकहरुसँग अन्तक्र्रिया गर्ने, पार्टीका सबै प्रकार र तहका नेताहरुसँग भेटघाट तथा अन्तक्र्रिया गर्ने कार्यक्रम रहेको छ ।

जिल्लामा हुने कुनै पनि कार्यक्रम र जिल्लामा आउने कुनै पनि नेतालाई फूलमाला र ब्याच नदिने, केन्द्रले तय गरेको नीति अनुसार वक्ताहरु छोट्याउने लगायतका कामहरु हुने काँग्रेस चितवनका सचिव उत्तम जोशीले जानकारी दिनुभयो । जोशीका अनुसार कार्यक्रममा खर्चको समेत मितव्ययिता अपनाईने छ ।

अभियानका लागि केन्द्रीय प्रतिनिधि सुरेन्द्रप्रसाद चौधरी चितवन आई सक्नु भएको छ । हिमाल पहाड तराई मधेश जागरण अभियान अन्तर्गत प्रथम चरणको कार्यक्रम काँग्रेसले देशै भरी गर्न लागेको हो । केन्द्रीय प्रतिनिधिलाई एक महिना जिल्लामा राखेर कार्यकर्ताहरुको भावनाको बारेमा जानकारी गराइने छ । अहिले देखिएको पार्टीभित्रको विचलन समाधान गर्नका लागि यो कार्यक्रम प्रभावकारी हुने अपेक्षा काँग्रेसको छ ।