प्रधानमन्त्रीको प्रत्यारोपण गरिएको मिर्गौलाले काम गर्न शुरु गरिसक्यो : चिकित्सक

काठमाडौँ । प्रधानमन्त्री केपी शर्मा ओलीको आज त्रिवि शिक्षण अस्पतालमा प्रत्यारोपण गरिएको मिर्गौलाले काम गर्न शुरु गरिसकेको चिकित्सकले बताएका छन् । अस्पतालका कार्यकारी निर्देशक प्राडा प्रेमकृष्ण खड्गाले प्रधानमन्त्रीको प्रत्यारोपित मिर्गौलाले काम गर्न शुरु गरी सकेको र उहाँलाई प्रत्यारोपण उपचार कक्षमा राखेर उपचारलाई निरन्तरता दिइने जानकारी दिनुभयो ।

प्रधानमन्त्रीको मिर्गौला प्रत्यारोपणपछि प्रेस विज्ञप्ति जारी गर्दै प्राडा खड्गाले प्रधानमन्त्री ओलीको सबै मुख्य सूचकांकहरु राम्रो अवस्थामा रहेका पनि बताउनुभएको छ । प्रधानमन्त्रीलाई मिर्गौला दान गर्ने उहाँकी भान्जी समीक्षा सङ्ग्रौलाको स्वास्थ्य स्थिति पनि सामान्य अवस्थामा रहेको समेत प्राडा खड्गाले जानकारी दिनुभयो ।