प्रधानमन्त्रीको मिर्गौला प्रत्यारोपणका लागि शल्यक्रिया जारी
न्युजभित्तो/२१ फाल्गुन २०७६, बुधबार १५:००
काठमाडौं । प्रधानमन्त्री केपी शर्मा ओलीको दोस्रो पटकको मिर्गौला प्रत्यारोपण गर्न अहिले त्रिवि शिक्षण अस्पताल, महाराजगञ्जमा शल्यक्रिया जारी रहेको छ । उहाँलाई शल्यक्रियाका लागि बिहान १० बजे ‘अपरेसन थिएटर’मा लगिएको थियो ।
प्रधानमन्त्रीका प्रेस संयोजक सूर्य थापाले शल्यक्रियामा संलग्न चिकित्सकहरुलाई उदृत गर्दै प्रधानमन्त्री ओलीको आज अपरान्ह ४ बजेसम्ममा शल्यक्रिया सकिने जानकारी दिनुभएको छ । प्रधानमन्त्री ओलीलाई भान्जी समीक्षा संग्रौलाले मिर्गौला दान गर्नुभएको हो । उहाँलाई पनि आज प्रधानमन्त्री ओली भन्दा केहिबेर अघिमात्र अपरेसन थिएटरमा लगिएको थियो ।
मिर्गौला दान गर्नुभएकी संग्रौलाले आफूले ‘प्रधानमन्त्री ओलीका लागि नभई भोलिको नेपालका लागि मिर्गौला दान गरेको’ बताउनुभएको थियो । चिकित्सकहरुका अनुसार मिर्गौला दिने र लिने दुबैको एकैसाथ अप्रेसन हुन्छ ।
प्रधानमन्त्री ओलीले १२ वर्षअघि भारतमा पहिलो पटक मिर्गौला प्रत्यारोपण गराउनुभएको थियो । यससँगै उहाँको शरीरमा प्रत्यारोपण गरिएको मिर्गौलासहित तीन मिर्गौला थिए । आज मिर्गौला प्रत्यारोपण गरिएसँगै उहाँको शरीरमा चार वटा मिर्गौला हुनेछ । प्रत्यारोपणको सम्पूर्ण प्रक्रियालाई झन्डै पाँच घण्टा लाग्ने बताइएको छ। मिर्गौलादाताको शल्यक्रिया झन्डै एक घण्टाअघि शुरु हुन्छ ।
प्रधानमन्त्रीको मिर्गौला प्रत्यारोपण गर्न उहाँको पहिलोपटक मिर्गौला प्रत्यारोपण गर्ने चिकित्सक डा अनन्त कुमार पनि भारतबाट नेपाल आउनुभएको छ । प्रधानमन्त्री ओलीको मिर्गौला प्रत्यारोपणका लागि शल्यक्रिया भइरहेको त्रिवि शिक्षण अस्पताल परिसरमा उहाँका शुभचिन्तक, नेकपाका नेता तथा कार्यकर्तालगायतको बाक्लो उपस्थिति रहेको छ । उनीहरुले प्रधानमन्त्री ओलीको सफल मिर्गौला प्रत्यारोपण र शीघ्र स्वास्थ्य लाभको कामना गरेका छन् ।
काठमाडौं । प्रधानमन्त्री केपी शर्मा ओलीको दोस्रो पटकको मिर्गौला प्रत्यारोपण गर्न अहिले त्रिवि शिक्षण अस्पताल, महाराजगञ्जमा शल्यक्रिया जारी रहेको छ । उहाँलाई शल्यक्रियाका लागि बिहान १० बजे ‘अपरेसन थिएटर’मा लगिएको थियो ।
प्रधानमन्त्रीका प्रेस संयोजक सूर्य थापाले शल्यक्रियामा संलग्न चिकित्सकहरुलाई उदृत गर्दै प्रधानमन्त्री ओलीको आज अपरान्ह ४ बजेसम्ममा शल्यक्रिया सकिने जानकारी दिनुभएको छ । प्रधानमन्त्री ओलीलाई भान्जी समीक्षा संग्रौलाले मिर्गौला दान गर्नुभएको हो । उहाँलाई पनि आज प्रधानमन्त्री ओली भन्दा केहिबेर अघिमात्र अपरेसन थिएटरमा लगिएको थियो ।
मिर्गौला दान गर्नुभएकी संग्रौलाले आफूले ‘प्रधानमन्त्री ओलीका लागि नभई भोलिको नेपालका लागि मिर्गौला दान गरेको’ बताउनुभएको थियो । चिकित्सकहरुका अनुसार मिर्गौला दिने र लिने दुबैको एकैसाथ अप्रेसन हुन्छ ।
प्रधानमन्त्री ओलीले १२ वर्षअघि भारतमा पहिलो पटक मिर्गौला प्रत्यारोपण गराउनुभएको थियो । यससँगै उहाँको शरीरमा प्रत्यारोपण गरिएको मिर्गौलासहित तीन मिर्गौला थिए । आज मिर्गौला प्रत्यारोपण गरिएसँगै उहाँको शरीरमा चार वटा मिर्गौला हुनेछ । प्रत्यारोपणको सम्पूर्ण प्रक्रियालाई झन्डै पाँच घण्टा लाग्ने बताइएको छ। मिर्गौलादाताको शल्यक्रिया झन्डै एक घण्टाअघि शुरु हुन्छ ।
प्रधानमन्त्रीको मिर्गौला प्रत्यारोपण गर्न उहाँको पहिलोपटक मिर्गौला प्रत्यारोपण गर्ने चिकित्सक डा अनन्त कुमार पनि भारतबाट नेपाल आउनुभएको छ । प्रधानमन्त्री ओलीको मिर्गौला प्रत्यारोपणका लागि शल्यक्रिया भइरहेको त्रिवि शिक्षण अस्पताल परिसरमा उहाँका शुभचिन्तक, नेकपाका नेता तथा कार्यकर्तालगायतको बाक्लो उपस्थिति रहेको छ । उनीहरुले प्रधानमन्त्री ओलीको सफल मिर्गौला प्रत्यारोपण र शीघ्र स्वास्थ्य लाभको कामना गरेका छन् ।