सामुदायिक रेडियो प्रशारक संघ चितवनको अध्यक्षमा पौडेल

चितवन । सामुदायिक रेडियोहरुबीच सहकार्य गर्ने, स्थानीय साझा मुद्दामा बहस, पैरवी गर्ने लगायतका उद्धेश्य राखेर चितवनमा सामुदायिक रेडियो प्रशारक संघ, जिल्ला समन्वय समिति गठन गरिएको छ । मङ्गलबार गठन गरिएको समन्वय समितिको अध्यक्षमा रेडियो शिवशक्तिका स्टेशन मेनेजर रमेश पौडेल चयन हुनुभएको छ ।

समितिका सदस्यहरुमा रेडियो चितवनका अध्यक्ष राजेन्द्रकुमार श्रेष्ठ, रेडियो भरतपुरका अध्यक्ष नविन पौडेल, रेडियो माडीका अध्यक्ष सूर्य पाठक, रेडियो साहिनोका अध्यक्ष सृजना अर्याल, रेडियो अर्पणका अध्यक्ष मेघनाथ पौडेल, रेडियो वाल्मिकिका सञ्चालक समिति सदस्य विकाश भूषाल र रेडियो इच्छाकामना मुग्लिनका स्टेशन मेनेजर दानबहादुर गुरुङ रहनु भएको छ ।

समन्वय समितिले सामुदायिक रेडियोहरुबीच कार्यक्रम उत्पादन एवम् सामाजिक बजारीकरणमा समन्वय र सहकार्य गर्ने तथा प्रशारण गरिने विषयवस्तुलाई अझै स्तरीय बनाउँदै लग्ने संयोजक पौडेलले बताउनुभयो । तीन वर्षे कार्यकाल रहेको सो समितिले चैत महिना देखि साझा रेडियो कार्यक्रम ‘खबरदारी’ उत्पादन गर्ने निर्णयसमेत गरेको छ ।