वामदेव र नारायणकाजीलाई मन्त्री बन्न संविधानले दिंदैन : पूर्व अर्थमन्त्री पाण्डे
न्युजभित्तो/१७ फाल्गुन २०७६, शनिबार १५:१०
चितवन । नेपाल कम्युनिष्ट पार्टी (नेकपा) का स्थायी समिति सदस्य एवं पूर्व अर्थमन्त्री सुरेन्द्र पाण्डेले बामदेव गौतम र नारायणकाजी श्रेष्ठ राष्ट्रिय सभा सदस्य बने पनि मन्त्री बन्न संविधानले नदिने बताउनु भएको छ । भरतपुर विमानस्थलमा शनिबार पत्रकारहरुसँग कुराकानी गर्दै उहाँले प्रतिनिधिसभाको निर्वाचनमा पराजित व्यक्ति उक्त कार्यकालभरी मन्त्री हुन नपाउने संवैधानिक व्यवस्था रहेको बताउनुभयो ।
संविधानको धारा ७८ को उपधारा ४ मा तत्काल कायम रहेको प्रतिनिधि सभाको निर्वाचनमा पराजित भएको व्यक्ति त्यस्तो प्रतिनिधि सभाको कार्यकालमा मन्त्री पदमा नियुक्तिका लागि योग्य हुने छैन भन्ने व्यवस्था रहेको छ ।
जनताले पराजित गरेका व्यक्ति सांसद वा मन्त्री हुन खोज्नु गलत परिपाटी भएको भन्दै उहाँले यसले लोकतन्त्रलाई कमजोर तुल्याउने बताउनुभयो । उहाँले अगाडि भन्नुभयो “प्रतिस्पर्धा गरेर आउँछु भनेको मान्छे अर्काे बाटोबाट आउनु रुचिकर देखिंदैन । यो स्वयं व्यक्तिले पनि सोच्नुपर्ने विषय हो ।”
संविधान संशोधन गरेर राष्ट्रिय सभा सदस्यलाई प्रधानमन्त्री बनाउने गरी बाटो खोल्न पार्टी सचिवालयले गरेको निर्णयको पक्षमा जनता नदेखिएपछि कार्यदल नै भंग गरिएको पाण्डेले बताउनुभयो । उहाँले भन्नुभयो “यसलाई जनताले रुचाएनन् ।”
पार्टीभित्र पछिल्लो समयमा देखिएको विवाद समाधान हुने क्रममा अघि बढेको उहाँको भनाई थियो । “पार्टीमा अहिले देखिएको विवादको समाधान हुन्छ, एउटा सहमतिमा नेताहरु पुग्न लागेको बुझेको छु” उहाँले भन्नुभयो “बामदेवलाई राष्ट्रिय सभामा लैजाने निर्णय पनि कार्यान्वयन हुन्छ, प्रधानमन्त्रीका चासोहरु पनि सम्बोधन हुन्छन् ।”
चितवन । नेपाल कम्युनिष्ट पार्टी (नेकपा) का स्थायी समिति सदस्य एवं पूर्व अर्थमन्त्री सुरेन्द्र पाण्डेले बामदेव गौतम र नारायणकाजी श्रेष्ठ राष्ट्रिय सभा सदस्य बने पनि मन्त्री बन्न संविधानले नदिने बताउनु भएको छ । भरतपुर विमानस्थलमा शनिबार पत्रकारहरुसँग कुराकानी गर्दै उहाँले प्रतिनिधिसभाको निर्वाचनमा पराजित व्यक्ति उक्त कार्यकालभरी मन्त्री हुन नपाउने संवैधानिक व्यवस्था रहेको बताउनुभयो ।
संविधानको धारा ७८ को उपधारा ४ मा तत्काल कायम रहेको प्रतिनिधि सभाको निर्वाचनमा पराजित भएको व्यक्ति त्यस्तो प्रतिनिधि सभाको कार्यकालमा मन्त्री पदमा नियुक्तिका लागि योग्य हुने छैन भन्ने व्यवस्था रहेको छ ।
जनताले पराजित गरेका व्यक्ति सांसद वा मन्त्री हुन खोज्नु गलत परिपाटी भएको भन्दै उहाँले यसले लोकतन्त्रलाई कमजोर तुल्याउने बताउनुभयो । उहाँले अगाडि भन्नुभयो “प्रतिस्पर्धा गरेर आउँछु भनेको मान्छे अर्काे बाटोबाट आउनु रुचिकर देखिंदैन । यो स्वयं व्यक्तिले पनि सोच्नुपर्ने विषय हो ।”
संविधान संशोधन गरेर राष्ट्रिय सभा सदस्यलाई प्रधानमन्त्री बनाउने गरी बाटो खोल्न पार्टी सचिवालयले गरेको निर्णयको पक्षमा जनता नदेखिएपछि कार्यदल नै भंग गरिएको पाण्डेले बताउनुभयो । उहाँले भन्नुभयो “यसलाई जनताले रुचाएनन् ।”
पार्टीभित्र पछिल्लो समयमा देखिएको विवाद समाधान हुने क्रममा अघि बढेको उहाँको भनाई थियो । “पार्टीमा अहिले देखिएको विवादको समाधान हुन्छ, एउटा सहमतिमा नेताहरु पुग्न लागेको बुझेको छु” उहाँले भन्नुभयो “बामदेवलाई राष्ट्रिय सभामा लैजाने निर्णय पनि कार्यान्वयन हुन्छ, प्रधानमन्त्रीका चासोहरु पनि सम्बोधन हुन्छन् ।”