रत्ननगर उद्योग वाणिज्य संघको स्तरोन्नती, ‘क’ वर्गको मान्यता

चितवन । पूर्वी चितवनको रत्ननगर उद्योग वाणिज्य संघले ‘क’ वर्गको मान्यता प्राप्त गरेको छ । कार्यसम्पादनको आधारमा देशभरीका नगर उद्योग वाणिज्य संघहरुमा सर्वोत्कृष्ठ उद्योग वाणिज्य संघमा छनौट भएको रत्ननगर उद्योग वाणिज्य संघ ‘क’ वर्गमा स्तरोन्नती भएको हो ।

नेपाल उद्योग वाणिज्य महासंघको कात्तिक १५ गते बसेको पदाधिकारी समितिको बैठकले रत्ननगरलाई ‘क’ वर्गको मान्यता दिने निर्णय गरेको थियो । नेपाल उद्योग वाणिज्य महासंघका महानिर्देशक धरणीधर खतिवडाद्वारा हस्ताक्षर गरिएको पत्रमा रत्ननगर उद्योग वाणिज्य संघले सम्पूर्ण मापदण्ड पूरा गरेकाले स्तरोन्नती गरिएको जनाइएको छ ।

गत कात्तिकमा निर्णय भएर रत्ननगर उद्योग वाणिज्य संघलाई स्तरोन्नती गरिएको भए पनि संघमा आधिकारिक रुपमा बुधबार मात्रै पत्र प्राप्त भएको संघका अध्यक्ष राजाराम रेग्मीले बताउनुभयो । उहाँले ‘क’ वर्गको मान्यता प्राप्त गर्नु रत्ननगरका लागि ठूलो उपलब्धी भएको समेत बताउनुभयो ।

‘अब रत्ननगर उद्योग वाणिज्य संघको हैसियत चितवन उद्योग वाणिज्य संघको बराबर भएको छ’ रेग्मीले भन्नुभयो– ‘यसले चितवनकै उद्योग व्यवसायमा थप टेवा पु¥याउँछ ।’ रत्ननगर उद्योग वाणिज्य संघमा दुई हजार चार सय सदस्यहरु आवद्ध रहेका छन् ।