सम्पर्क  |  हाम्रो बारेमा  |  मुख्य पृष्ठ  |      |    | 
    • राष्ट्रिय
    • राजनीति
    • समाज
    • चितवन सेरोफेरो
    • अर्थ / बाणिज्य
    • कला/साहित्य
    • खेलकुद
    • अन्तर्राष्ट्रिय
    • विचार / अन्तर्वार्ता

राष्ट्र बैंकले आज ४० अर्ब रुपैयाँ निक्षेप संकलन गर्दै


  •    न्युजभित्तो/२२ चैत्र २०८२, आईतवार १२:४० 
  • काठमाडौं, २२ चैत । बैंकिङ प्रणालीमा लगानीयोग्य रकम (तरलता) अत्यधिक भएपछि नेपाल राष्ट्र बैंकले आज बजारबाट ४० अर्ब रुपैयाँ खिच्ने भएको छ । केन्द्रीय बैंकले आज निक्षेप संकलन उपकरण मार्फत उक्त रकम संकलन गर्न लागेको हो ।

    बैंक तथा वित्तीय संस्थाहरूमा पैसा थुप्रिने क्रम नरोकिएपछि राष्ट्र बैंकले ५६ दिनको अवधिका लागि यो निक्षेप संकलन गर्न लागेको हो । यस उपकरणको बोलकबोल आजै हुनेछ भने संकलन गरिएको रकमको साँवा तथा ब्याज भुक्तानी २०८३ जेठ १७ गते गरिने राष्ट्र बैंकले जनाएको छ । राष्ट्र बैंकका अनुसार यो निक्षेप संकलनका लागि ब्याजदर बोलकबोल मार्फत निर्धारण हुनेछ ।

    यस प्रक्रियामा सहभागी हुन चाहने बैंक तथा वित्तीय संस्थाहरूले घटीमा १० करोड रुपैयाँ र बढीमा ५ करोड रुपैयाँले भाग जाने गरी कुल आह्वान गरिएको रकमसम्मका लागि आवेदन दिन सक्नेछन् । निक्षेप संकलनका लागि बैंकहरूले ब्याजदरमा बोलकबोल गर्नुपर्नेछ भने एउटै संस्थाले बहुब्याजदरमा पनि बोलकबोल गर्न सक्ने व्यवस्था गरिएको छ । संकलन गरिएको रकम बाँडफाँड गर्दा सबैभन्दा कम ब्याजदर कबोल गर्ने संस्थालाई पहिलो प्राथमिकतामा राखिने केन्द्रीय बैंकले स्पष्ट पारेको छ ।

    बजारमा मुद्रा आपूर्ति र ब्याजदरलाई सन्तुलनमा राख्न राष्ट्र बैंकले समय–समयमा यस्ता उपकरणहरू प्रयोग गरी थुप्रिएको तरलता प्रशोचन गर्ने गर्दछ । पछिल्लो समय बैंकहरूमा निक्षेप बढ्ने तर कर्जा प्रवाह सुस्त हुने अवस्था आएपछि राष्ट्र बैंकले निरन्तर बजारबाट पैसा खिच्दै आएको छ । न्यूज बैंक

    तपाईको प्रतिक्रिया

    ताजा अपडेट

    आविष्कार केन्द्रको अवलोकन गर्दै मन्त्री तामाङले भने– आविष्कारको युगमा प्रदेश सरकारले सहयोग गर्छ
    दसैँ–तिहारपछि भरतपुर अस्पतालमा बिरामीको चाप
    टेन्ट टाँगेर आफ्नै थातथलो फर्किए टिमुरेका बाढीपीडित
    • दूरसञ्चार सेवा प्रदायकलाई जरिवाना र ब्याज मिनाहाको सुविधा
    • धार्मिक पर्यटन प्रवर्द्धन र सनातन धर्मलाई युवापुस्तासँग जोड्नुपर्नेमा मन्त्री तामाङको जोड
    • चितवनमा दसैँ–तिहार अवधिमा सडक दुर्घटनामा कमी, राजस्व बढ्यो
    • गोपका पूर्वप्रधानसम्पादक रिजाललाई मदनदास श्रेष्ठ उत्कृष्ट पत्रकारिता सम्मान

    हाम्रो बारेमा

    अध्यक्ष

    तिलक राम रिमाल

    सम्पादक

    सुजाता पोख्रेल  


    फेसबुकमा हामी

    News Vitto - न्यूजभित्तो

    सम्पर्क

      कृति मिडिया प्रा. लि. द्वारा सञ्चालित : न्यूज भित्तो  
       भरतपुर महानगरपालिका – १२, चितवन  

        ९८५५०३३२३६, ९८५५०८२५८५
      info@newsvitto.com, newsvitto@gmail.com
    सूचना तथा प्रसारण विभाग दर्ता नं: १३११/०७५/७६
    © Kriti Media Pvt.Ltd    |  All rights reserved. | Website By : WEBSOFTNEPAL Pvt.Ltd.