निर्माण व्यवसायी महासंघको केन्द्रीय उपाध्यक्षमा सहदेव खड्का निर्विरोध निर्वाचित

काठमाण्डौं, १८ चैत । नेपाल निर्माण व्यवसायी महासंघको १३औँ महाधिवेशनमा केन्द्रीय उपाध्यक्ष पदमा सहदेव खड्का निर्विरोध निर्वाचित हुनुभएको छ । सगुन कन्स्ट्रक्सनका सञ्चालक खड्का निकोलस पाण्डे प्यानलबाट लुम्बिनी प्रदेशबाट उपाध्यक्ष निर्विरोध हुनु भएको हो ।

उम्मेदवारी दर्ताको कार्यक्रममा लुम्बिनीबाट केन्द्रीय उपाध्यक्षमा खड्काको एकल उम्मेदवारी परेको छ । निर्माण व्यवसायीहरूको हकहित संरक्षण, पेशागत सुरक्षाको प्रत्याभूति र व्यवसायमैत्री वातावरण निर्माणलाई आफ्नो मुख्य एजेण्डा बनाएर खड्का चुनावको तयारीमा हुनुहुन्थ्यो । अध्यक्ष पदमा कालिका कन्सट्रक्सनका निर्देशक निकोलस पाण्डे र पीएस कन्स्ट्रक्सनका प्रबन्ध निर्देशक आङ दोर्जी (एडी) लामा प्यानलसहित प्रतिस्पर्धामा उत्रिएका छन् ।

नयाँ नेतृत्व चयनका लागि चैत १९ गते मतदान हुने कार्यतालिका छ ।