सम्पर्क  |  हाम्रो बारेमा  |  मुख्य पृष्ठ  |      |    | 
    • राष्ट्रिय
    • राजनीति
    • समाज
    • चितवन सेरोफेरो
    • अर्थ / बाणिज्य
    • कला/साहित्य
    • खेलकुद
    • अन्तर्राष्ट्रिय
    • विचार / अन्तर्वार्ता

महिला नेत्रीहरुद्वारा क्रिकेट रङ्गशालालाई सहयोग


  •    न्युजभित्तो/२१ माघ २०७६, मंगलवार २१:५१ 
  • चितवन । भरतपुरको रामपुरमा निर्माणाधीन गौतमबुद्ध अन्तर्राष्ट्रिय क्रिकेट रङ्गशालालाई सहयोग जुटाउन जारी धनधान्याचल महोत्सवमा राष्ट्रिय सभा उपाध्यक्ष तथा सदस्यहरुले सहयोग गर्नुभएको छ ।

    मङ्गलवार धनधान्यान्चल महोत्सव परिसरमा उपस्थित राष्ट्रिय सभा उपाध्यक्ष तथा सदस्यहरुले रङ्गशाला निर्माणका लागि आर्थिक सहयोग गर्नुभएको हो । आजको कार्यक्रमका प्रमुख अतिथि राष्ट्रिय सभाकी उपाध्यक्ष शशीकला दाहालले रङ्गशाला निर्माणका लागि ५० बोरा सिमेन्ट उपलब्ध गराउने घोषणा गर्नुभयो ।
    दाहालले रङ्गशाला देशकै शान र गहना भएकोले सबैलाई सहयोग गर्न आग्रह पनि गर्नुभयो । यस्तै उहाँले रङ्गशाला निर्माण सहयोगका लागि आफ्नो प्रदेश र जिल्लालाई आह्वान गर्ने प्रतिबद्दता समेत जनाउनुभयो ।

    यसैगरी, राष्ट्रिय सभा सदस्य तथा चर्चित लोक दोहोरी गायिका कोमल ओलीले रङ्गशाला निर्माणका लागि ५५ हजार ५ सय ५५ रुपैयाँ सहयोग गर्ने घोषणा गर्नुभयो । सहयोग रकम घोषणा गर्दै ओलीले यो अभियानमा सहयोग गर्न सबैलाई आग्रह गर्नुभयो ।

    राष्ट्रिय सभाकी अर्की सदस्य इन्दु कडरियाले पनि निर्माणाधीन रङ्गशालाका लागि ५५ हजार ५ सय ५५ रुपैयाँ सहयोगको घोषणा गर्दैै थोपा थोपा मिलेर सागर बन्ने भएकोले सबैलाई जतिसक्दो सहयोग गर्न अपील गर्नुभयो ।

    कार्यक्रमकी अध्यक्ष राष्ट्रिय सभा सदस्य तथा राष्ट्रिय सरोकार तथा समन्वय समितिकी सभापति दिलकुमारी रावल ‘पार्वती’ले १ लाख ११ हजार १ सय ११ रुपैयाँ सहयोगको घोषणा गर्नुभयो । रावलले यो अभियान सफल बनाउन महिलाहरुले भौतिक उपस्थितिसँगै आर्थिक रुपमा पनि महत्त्वपूर्ण भूमिका खेल्न सक्छन् भन्ने सन्देश प्रवाह गर्न आफुले सहयोग घोषणा गरेको बताउनुभयो । नेपालमा धेरै सहयोगी मनहरु भएकाले यसले सबैमा सहयोगको भावना आउने विश्वास उहाँले व्यक्त गर्नुभयो ।

    मङ्गलबार विहान नेपाल महिला संघ चितवनले धनधान्याचल महोत्सव मार्फत रङ्गशाला निर्माणका लागि १ लाख ५१ हजार रुपैयाँ आर्थिक सहयोग गरेको छ । संघकी अध्यक्ष समेत रहेकी भरतपुर महानगरपालिकाका उपप्रमुख पार्वती शाहले उक्त रकम घोषणा गर्नुभएको हो । सहयोग घोषणा गर्दै शाहले सबैलाई यो अभियान सफल बनाउन एकजुट हुन आग्रह गर्नुभयो । त्यस्तै, गायिका सरिता गुरुङ श्रेष्ठले पनि २५ हजार रुपैयाँ सहयोग घोषणा गर्नुभयो ।

    त्यस बाहेक आज अन्य बिभिन्न संघ संस्थाहरुबाट समेत आर्थिक सहयोग प्राप्त भएको आयोजकले जनाएको छ । २६ गतेसम्म चल्ने महोत्सवबाट ५० करोड रुपैयाँ सङ्कलन गर्ने आयोजकको अपेक्षा छ ।

    तपाईको प्रतिक्रिया

    ताजा अपडेट

    प्रधानमन्त्रीको भारत भ्रमणः द्विपक्षीय हित र सम्बन्ध विस्तारमा केन्द्रित हुन पूर्वपरराष्ट्रमन्त्रीहरूको सुझाव
    आविष्कार केन्द्रको अवलोकन गर्दै मन्त्री तामाङले भने– आविष्कारको युगमा प्रदेश सरकारले सहयोग गर्छ
    दसैँ–तिहारपछि भरतपुर अस्पतालमा बिरामीको चाप
    • टेन्ट टाँगेर आफ्नै थातथलो फर्किए टिमुरेका बाढीपीडित
    • दूरसञ्चार सेवा प्रदायकलाई जरिवाना र ब्याज मिनाहाको सुविधा
    • धार्मिक पर्यटन प्रवर्द्धन र सनातन धर्मलाई युवापुस्तासँग जोड्नुपर्नेमा मन्त्री तामाङको जोड
    • चितवनमा दसैँ–तिहार अवधिमा सडक दुर्घटनामा कमी, राजस्व बढ्यो

    हाम्रो बारेमा

    अध्यक्ष

    तिलक राम रिमाल

    सम्पादक

    सुजाता पोख्रेल  


    फेसबुकमा हामी

    News Vitto - न्यूजभित्तो

    सम्पर्क

      कृति मिडिया प्रा. लि. द्वारा सञ्चालित : न्यूज भित्तो  
       भरतपुर महानगरपालिका – १२, चितवन  

        ९८५५०३३२३६, ९८५५०८२५८५
      info@newsvitto.com, newsvitto@gmail.com
    सूचना तथा प्रसारण विभाग दर्ता नं: १३११/०७५/७६
    © Kriti Media Pvt.Ltd    |  All rights reserved. | Website By : WEBSOFTNEPAL Pvt.Ltd.