गैंडाकोट महोत्सव : साँस्कृतिक कार्यक्रममा दर्शकको आकर्षण बढ्दो
न्युजभित्तो/१८ माघ २०७६, शनिबार २०:२०
गैंडाकोट । गैंडाकोटको नारायणी नदी किनारमा जारी तेस्रो गैंडाकोट महोत्सवको चौंथो दिन शनिबार ४० हजार भन्दा बढी दर्शकले अवलोकन गरेका छन् । शनिबार दर्शकको उपस्थिति उल्लेख्य रहेको महोत्सव आयोजक संस्था उद्योग वाणिज्य संघ गैँडाकोट नवलपुरले जनाएको छ ।
महोत्सवको साँस्कृतिक कार्यक्रममा दर्शकहरुको आकर्षण बढ्दो रहेको संघका कोषाध्यक्ष एवम् महोत्सवका आर्थिक तथा प्रचार प्रसार उप–समिति संयोजक शालिकराम सापकोटाले जानकारी दिनुभयो । उहाँकाअनुसार शनिबार राष्ट्रिय लोक तथा दोहोरी गायक प्रजापति पराजुली, शशाङ्क कँडेल, सिजु अधिकारीलगायतका कलाकारहरुको प्रस्तुति रहेको थियो । रसियन कलाकारहरुले शनिबार नेपाली तथा हिन्दी गीतमा आफ्नो प्रस्तुति राखेका । महोत्सवको साँस्कृतिक कार्यक्रम र कलात्मक प्रवेशद्धारमा दर्शकको आकर्षण बढेको सापकोटाको भनाइ छ ।
महोत्सवमा शनिबारको कार्यक्रममा जिल्ला समन्वय समिति नवलपुरका प्रमुख चेसराम आले प्रमुख अतिथि तथा उपप्रमुख शारदा विक विशिष्ट अतिथि रहनुभएको थियो । महोत्सवस्थलमा कृषिका ४० वटा स्टल, विभिन्न जातजातिका नौ वटा साँस्कृतिक घरसहित उद्योग, वाणिज्य, व्यावसायिक तथा पर्यटनसम्बन्धी ३ सय ५० भन्दा बढी स्टल रहेका उद्योग वाणिज्य संघ नवलपुरका अध्यक्ष एवम् महोत्सव मूल समिति संयोजक अमृत भट्टचनले बताउनुभयो ।
भट्टचनकाअनुसार महोत्सवका सबै स्टलहरु बाँसबाट निर्माण गरिएका छन् । स्थानीय उत्पादनलाई प्रोत्साहन र व्यवसाय प्रवद्र्धनका लागि महोत्सव आयोजना गरिएको उल्लेख गर्दै भट्टचनले नेपाल भ्रमण वर्ष २०२० का सन्दर्भमा नवलपुरमा आन्तरिक पर्यटक वृद्धि गर्नका लागि समेत महोत्सवले थप ऊर्जा प्रदान गरेको बताउनुभयो ।
गैंडाकोट नगरपालिका, जिल्ला समन्वय समिति नवलपुर, नेपाल उद्योग वाणिज्य महासंघ र नेपाल पर्यटन बोर्डको संयुक्त आयोजनामा आन्तरिक तथा वाह्य व्यापार, उद्योग, कृषि, पर्यटन, सूचना सञ्चार लगायतका क्षेत्रलाई प्रवद्र्धन गर्ने र पर्यटन वर्ष २०२० लाई सफल बनाउने उद्देश्य लिएर तेस्रो गैंडाकोट महोत्सव आयोजना गरिएको हो ।
गैंडाकोट । गैंडाकोटको नारायणी नदी किनारमा जारी तेस्रो गैंडाकोट महोत्सवको चौंथो दिन शनिबार ४० हजार भन्दा बढी दर्शकले अवलोकन गरेका छन् । शनिबार दर्शकको उपस्थिति उल्लेख्य रहेको महोत्सव आयोजक संस्था उद्योग वाणिज्य संघ गैँडाकोट नवलपुरले जनाएको छ ।
महोत्सवको साँस्कृतिक कार्यक्रममा दर्शकहरुको आकर्षण बढ्दो रहेको संघका कोषाध्यक्ष एवम् महोत्सवका आर्थिक तथा प्रचार प्रसार उप–समिति संयोजक शालिकराम सापकोटाले जानकारी दिनुभयो । उहाँकाअनुसार शनिबार राष्ट्रिय लोक तथा दोहोरी गायक प्रजापति पराजुली, शशाङ्क कँडेल, सिजु अधिकारीलगायतका कलाकारहरुको प्रस्तुति रहेको थियो । रसियन कलाकारहरुले शनिबार नेपाली तथा हिन्दी गीतमा आफ्नो प्रस्तुति राखेका । महोत्सवको साँस्कृतिक कार्यक्रम र कलात्मक प्रवेशद्धारमा दर्शकको आकर्षण बढेको सापकोटाको भनाइ छ ।
महोत्सवमा शनिबारको कार्यक्रममा जिल्ला समन्वय समिति नवलपुरका प्रमुख चेसराम आले प्रमुख अतिथि तथा उपप्रमुख शारदा विक विशिष्ट अतिथि रहनुभएको थियो । महोत्सवस्थलमा कृषिका ४० वटा स्टल, विभिन्न जातजातिका नौ वटा साँस्कृतिक घरसहित उद्योग, वाणिज्य, व्यावसायिक तथा पर्यटनसम्बन्धी ३ सय ५० भन्दा बढी स्टल रहेका उद्योग वाणिज्य संघ नवलपुरका अध्यक्ष एवम् महोत्सव मूल समिति संयोजक अमृत भट्टचनले बताउनुभयो ।
भट्टचनकाअनुसार महोत्सवका सबै स्टलहरु बाँसबाट निर्माण गरिएका छन् । स्थानीय उत्पादनलाई प्रोत्साहन र व्यवसाय प्रवद्र्धनका लागि महोत्सव आयोजना गरिएको उल्लेख गर्दै भट्टचनले नेपाल भ्रमण वर्ष २०२० का सन्दर्भमा नवलपुरमा आन्तरिक पर्यटक वृद्धि गर्नका लागि समेत महोत्सवले थप ऊर्जा प्रदान गरेको बताउनुभयो ।
गैंडाकोट नगरपालिका, जिल्ला समन्वय समिति नवलपुर, नेपाल उद्योग वाणिज्य महासंघ र नेपाल पर्यटन बोर्डको संयुक्त आयोजनामा आन्तरिक तथा वाह्य व्यापार, उद्योग, कृषि, पर्यटन, सूचना सञ्चार लगायतका क्षेत्रलाई प्रवद्र्धन गर्ने र पर्यटन वर्ष २०२० लाई सफल बनाउने उद्देश्य लिएर तेस्रो गैंडाकोट महोत्सव आयोजना गरिएको हो ।