चितवन, ११ फागुन । देशभर निर्वाचनको चहलपहलसँगै अण्डाको मूल्य बृद्धि भएको छ । उत्पादन कम र माग बढेपछि मूल्य बढेको हो ।
नेपाल लेयर्स कुखुरा पालक संघले सोमबारदेखि लागू हुने गरी जारी गरेको समर्थन मूल्य अनुसार ठूलो अण्डा प्रतिक्रेट (३० वटाको) रु. ४७५ र मिडियम रु. ४२५ कायम गरिएको छ । यस अघि फागुन ६ गतेबाट लागू हुने गरी ठूलो अण्डा रु.४२५ र मिडियम रु. ३७५ रहेको थियो ।
गत मङ्सिरमा अण्डाको मूल्य हालसम्मकै उच्च भएको थियो । तत्कालीन समयमा फार्ममा ठूलो अण्डा रु. पाँच सय ६५ प्रतिक्रेटमा बिक्री भएको थियो । मझौलाको रेट रु पाँच सय ५० थियो । संघका अध्यक्ष विनोद पोखरेलका अनुसार निर्वाचनको माहौलसँगै अण्डाको माग बढेपछि मूल्य बढ्न थालेको बताउनुभयो । अण्डाको मूल्य घटेको समयमा किसानहरुले बुढा कुखुरा बिक्री गरेपछि कुखुराको संख्या समेत घट्दा उत्पादन घटेर पनि मूल्य बढेको उहाँले बताउनुभयो । उहाँले भन्नुभयो “किसानले धेरै नोक्सान व्यहोरेका छन्, अब क्रमशः लागत मूल्यमाथि अण्डाको मूल्य पुग्नु पर्छ ।”
संघका सचिव मदन पोखरेलले अण्डाको उत्पादन लागत मूल्य प्रतिगोटा रु. १९.१२ पर्न आउने बताउनुभयो । यसलाई हिसाब गर्दा किसानको लागत मूल्य प्रतिक्रेट रु. पाँच सय ७४.६ पर्न आउँछ ।
संघले देशभरका फर्महरुको मूल्य लिएर चितवनलाई आधार मानेर अण्डाको समर्थन मूल्य तोक्ने गर्दछ । संघका सचिव पोखरेलले मूल्य बढ्दा सरकारी निकायको ध्यानाकर्षण हुने भएपनि घट्दा चासो नहुने भन्दै किसान जोगाउनका लागि सरकारी निकायको सहयोग आवश्यक रहेको बताउनुभयो । भारतीय अण्डा नियन्त्रण हुन सकेमा नेपाली अण्डाले बजार पाउने उहाँको भनाई छ ।
चितवन, ११ फागुन । देशभर निर्वाचनको चहलपहलसँगै अण्डाको मूल्य बृद्धि भएको छ । उत्पादन कम र माग बढेपछि मूल्य बढेको हो ।
नेपाल लेयर्स कुखुरा पालक संघले सोमबारदेखि लागू हुने गरी जारी गरेको समर्थन मूल्य अनुसार ठूलो अण्डा प्रतिक्रेट (३० वटाको) रु. ४७५ र मिडियम रु. ४२५ कायम गरिएको छ । यस अघि फागुन ६ गतेबाट लागू हुने गरी ठूलो अण्डा रु.४२५ र मिडियम रु. ३७५ रहेको थियो ।
गत मङ्सिरमा अण्डाको मूल्य हालसम्मकै उच्च भएको थियो । तत्कालीन समयमा फार्ममा ठूलो अण्डा रु. पाँच सय ६५ प्रतिक्रेटमा बिक्री भएको थियो । मझौलाको रेट रु पाँच सय ५० थियो । संघका अध्यक्ष विनोद पोखरेलका अनुसार निर्वाचनको माहौलसँगै अण्डाको माग बढेपछि मूल्य बढ्न थालेको बताउनुभयो । अण्डाको मूल्य घटेको समयमा किसानहरुले बुढा कुखुरा बिक्री गरेपछि कुखुराको संख्या समेत घट्दा उत्पादन घटेर पनि मूल्य बढेको उहाँले बताउनुभयो । उहाँले भन्नुभयो “किसानले धेरै नोक्सान व्यहोरेका छन्, अब क्रमशः लागत मूल्यमाथि अण्डाको मूल्य पुग्नु पर्छ ।”
संघका सचिव मदन पोखरेलले अण्डाको उत्पादन लागत मूल्य प्रतिगोटा रु. १९.१२ पर्न आउने बताउनुभयो । यसलाई हिसाब गर्दा किसानको लागत मूल्य प्रतिक्रेट रु. पाँच सय ७४.६ पर्न आउँछ ।
संघले देशभरका फर्महरुको मूल्य लिएर चितवनलाई आधार मानेर अण्डाको समर्थन मूल्य तोक्ने गर्दछ । संघका सचिव पोखरेलले मूल्य बढ्दा सरकारी निकायको ध्यानाकर्षण हुने भएपनि घट्दा चासो नहुने भन्दै किसान जोगाउनका लागि सरकारी निकायको सहयोग आवश्यक रहेको बताउनुभयो । भारतीय अण्डा नियन्त्रण हुन सकेमा नेपाली अण्डाले बजार पाउने उहाँको भनाई छ ।