सरकारी गाडी प्रयोग गरी दलको प्रचारप्रसार गर्ने जिसस प्रमुखलाई समितिले काट्यो पत्र

हेटौँडा,२८ माघ । जिल्ला समन्वय समिति मकवानपुरका प्रमुख ललित घलानलाई निर्वाचन आचारसंहिता अनुगमन समितिले आचारसंहिता उल्लंघन गरेको भन्दै पत्र काटेर सचेत गराएको छ ।

समितिका अनुसार घलानले निर्वाचन आयोगले जारी गरेको आचारसंहिताविपरीत सरकारी साधन प्रयोग गरी राजनीतिक दलको उमेदवारका पक्षमा प्रचारप्रसार गरेको पाइएको छ । समितिले आचारसंहिताविपरीत काम नगर्न नभन्दै सचेत गराएको हो ।

घलानले जिल्ला समन्वय समितिको बा २ झ ३१८९ नम्बरको सरकारी सवारीसाधन प्रयोग गरेका थिए ।

आगामी दिनमा आचारसंहिता उल्लंघन हुने कार्य दोहोरिएमा कानुनअनुसार कारबाही हुने पत्रमा उल्लेख छ ।