विराटनगरमा अन्तरविद्यालय लोकनृत्य प्रतियोगिता सम्पन्न
न्युजभित्तो/२६ माघ २०८२, आईतवार १६:१४
विराटनगर, २५ माघ । विराटनगर महानगरपालिकाको आयोजनामा आधारभूत तहका विद्यार्थीलाई लक्षित गर्दै अन्तरविद्यालय लोकनृत्य प्रतियोगिता सम्पन्न भएको छ । श्री माध्यमिक विद्यालय कञ्चनबारीको संयोजनमा कक्षा ६ देखि ८ सम्म अध्ययनरत विद्यार्थीबीच दुई दिनसम्म प्रतियोगिता सञ्चालन गरिएको हो ।
प्रतियोगिताको पहिलो दिन विराटनगर महानगर क्षेत्रभित्रका सामुदायिक विद्यालयबीच प्रतिस्पर्धा गराइएको थियो । यस चरणमा २६ वटा सामुदायिक विद्यालय सहभागी भएका थिए । प्रारम्भिक प्रतिस्पर्धाबाट उत्कृष्ट छ विद्यालय अन्तिम चरणका लागि छनोट भएका थिए ।
प्रारम्भिक चरणको मूल्याङ्कनअनुसार पोखरिया माध्यमिक विद्यालय प्रथम, गोग्राहा माध्यमिक विद्यालय द्वितीय र जनता बालआधारभूत विद्यालय तृतीय भएका हुन् । त्यस्तै सत्यनारायण आधारभूत विद्यालय, मदननगर आधारभूत विद्यालय र आयोजक विद्यालय श्री माध्यमिक विद्यालय कञ्चनबारी पनि दोस्रो चरणमा प्रवेश गरेका थिए ।
प्रतियोगिताको दोस्रो दिन संस्थागत विद्यालयतर्फबाट छनोट भई आएका छ र सामुदायिक विद्यालयतर्फबाट आएका छ विद्यालयबीच अन्तिम प्रतिस्पर्धा गराइएको थियो । अन्तिम नतिजाअनुसार मदननगर आधारभूत विद्यालय प्रथम, जनता बालआधारभूत विद्यालय विराटनगर–१४ द्वितीय, कान्तिपुर माध्यमिक विद्यालय तृतीय तथा पोलस्टार बोर्डिङ स्कुल चौँथो भएका छन् ।
विजेता विद्यालयलाई क्रमशः रु २५ हजार, रु २० हजार, रु १५ हजार र रु तीन हजार नगद पुरस्कारसहित ट्रफी, मेडल तथा प्रमाणपत्र प्रदान गरिएको आयोजकले जनाएको छ । पछिल्ला तीन वर्षदेखि निरन्तर आयोजना हुँदै आएको उक्त प्रतियोगिता लोकसंस्कृतिको संरक्षण तथा प्रवर्द्धन, विद्यार्थीमा अन्तरनिहित प्रतिभाको पहिचान तथा सामुदायिक र संस्थागत विद्यालयबीच आपसी सहकार्य अभिवृद्धि गर्ने उद्देश्यले आयोजना गरिएको विराटनगर महानगरपालिकाले जनाएको छ ।
प्रतियोगितामा ३५० भन्दा बढी विद्यार्थीले विभिन्न जातजातिका लोकनृत्य प्रस्तुत गरेका थिए । प्रतियोगिताको उद्घाटन विराटनगर महानगरपालिकाका प्रमुख नागेश कोइरालाले गर्नुभएको थियो भने सामाजिक विकास समितिका संयोजक काजीबहादुर बस्नेतले विजेता विद्यालयलाई पुरस्कार तथा प्रमाणपत्र वितरण गर्नुभएको थियो ।
विराटनगर, २५ माघ । विराटनगर महानगरपालिकाको आयोजनामा आधारभूत तहका विद्यार्थीलाई लक्षित गर्दै अन्तरविद्यालय लोकनृत्य प्रतियोगिता सम्पन्न भएको छ । श्री माध्यमिक विद्यालय कञ्चनबारीको संयोजनमा कक्षा ६ देखि ८ सम्म अध्ययनरत विद्यार्थीबीच दुई दिनसम्म प्रतियोगिता सञ्चालन गरिएको हो ।
प्रतियोगिताको पहिलो दिन विराटनगर महानगर क्षेत्रभित्रका सामुदायिक विद्यालयबीच प्रतिस्पर्धा गराइएको थियो । यस चरणमा २६ वटा सामुदायिक विद्यालय सहभागी भएका थिए । प्रारम्भिक प्रतिस्पर्धाबाट उत्कृष्ट छ विद्यालय अन्तिम चरणका लागि छनोट भएका थिए ।
प्रारम्भिक चरणको मूल्याङ्कनअनुसार पोखरिया माध्यमिक विद्यालय प्रथम, गोग्राहा माध्यमिक विद्यालय द्वितीय र जनता बालआधारभूत विद्यालय तृतीय भएका हुन् । त्यस्तै सत्यनारायण आधारभूत विद्यालय, मदननगर आधारभूत विद्यालय र आयोजक विद्यालय श्री माध्यमिक विद्यालय कञ्चनबारी पनि दोस्रो चरणमा प्रवेश गरेका थिए ।
प्रतियोगिताको दोस्रो दिन संस्थागत विद्यालयतर्फबाट छनोट भई आएका छ र सामुदायिक विद्यालयतर्फबाट आएका छ विद्यालयबीच अन्तिम प्रतिस्पर्धा गराइएको थियो । अन्तिम नतिजाअनुसार मदननगर आधारभूत विद्यालय प्रथम, जनता बालआधारभूत विद्यालय विराटनगर–१४ द्वितीय, कान्तिपुर माध्यमिक विद्यालय तृतीय तथा पोलस्टार बोर्डिङ स्कुल चौँथो भएका छन् ।
विजेता विद्यालयलाई क्रमशः रु २५ हजार, रु २० हजार, रु १५ हजार र रु तीन हजार नगद पुरस्कारसहित ट्रफी, मेडल तथा प्रमाणपत्र प्रदान गरिएको आयोजकले जनाएको छ । पछिल्ला तीन वर्षदेखि निरन्तर आयोजना हुँदै आएको उक्त प्रतियोगिता लोकसंस्कृतिको संरक्षण तथा प्रवर्द्धन, विद्यार्थीमा अन्तरनिहित प्रतिभाको पहिचान तथा सामुदायिक र संस्थागत विद्यालयबीच आपसी सहकार्य अभिवृद्धि गर्ने उद्देश्यले आयोजना गरिएको विराटनगर महानगरपालिकाले जनाएको छ ।
प्रतियोगितामा ३५० भन्दा बढी विद्यार्थीले विभिन्न जातजातिका लोकनृत्य प्रस्तुत गरेका थिए । प्रतियोगिताको उद्घाटन विराटनगर महानगरपालिकाका प्रमुख नागेश कोइरालाले गर्नुभएको थियो भने सामाजिक विकास समितिका संयोजक काजीबहादुर बस्नेतले विजेता विद्यालयलाई पुरस्कार तथा प्रमाणपत्र वितरण गर्नुभएको थियो ।