राजनीति, धर्मनीतिको उद्देश्य समाजमा शान्ति स्थापना गर्नु : पूर्व अर्थमन्त्री पाण्डे
न्युजभित्तो/११ माघ २०७६, शनिबार २२:०३
भरतपुर । भारद्वाज गोत्रीय पोखरेल प्रतिष्ठान नेपालद्वारा आयोजित श्रीमद्भागवत महापुराण तथा धनधान्याचल ज्ञान महायज्ञको शनिबार पूर्व अर्थमन्त्री तथा साँसद सुरेन्द्र पाण्डेले उद्घाटन गर्नुभयो । भरतपुर–६, इन्द्रपुरीमा रहेको प्रतिष्ठानको कुल मन्दिरमा शुरु भएको महायज्ञको उद्घाटन गर्दै पाण्डेले राजनीति, धर्मनीति जसरी व्याख्या गरेपनि यिनीहरुको उद्देश्य समाजमा शान्ति स्थापना गर्नुनै रहेको बताउनुभयो ।
भाइचाराको सम्बन्धलाई सुमधुर बनाउनका लागि भारद्वाज गोत्रीय पोखरेल प्रतिष्ठान नेपालद्वारा महायज्ञ लगाइनु राम्रो भएको पाण्डेको भनाइ छ । समाजलाई अग्रगामी बाटोतर्फ लैजान र समृद्ध नेपाल बनाउन भारद्वाज गोत्रीय पोखरेलहरुले अनुकरणीय कार्य गरेको पाण्डेको भनाइ छ ।
सो महायज्ञको उद्घाटन कार्यक्रममा महायज्ञका प्रमुख वाचन प्रवीण दीनबन्धु पोखरेलले आफूभित्र भएको उर्जा उजागर गर्ने काम भागवतले गर्ने बताउनुभयो । कार्यक्रममा भारद्वाज ऋषिको बारेमा प्राडा गुरुप्रसाद सुवेदी, प्राडा गोविन्द पोखरेललगायतले प्रकाश पार्नुभएको थियो । त्यस अवसरमा भारद्वाज गोत्रीय पोखरेल प्रतिष्ठानलाई भवन निर्माणका लागि भूमि उपलब्ध गराउने स्वर्गीय चुडामणि पोखरेलको परिवारलाई सम्मान समेत गरिएको थियो ।
महायज्ञ उद्घाटन पूर्व महायज्ञ स्थलबाट कलश यात्रा शुरु भएर चोकबजार, तुलसीचोक हुँदै महायज्ञ स्थलमा आएर सम्पन भएको थियो । कलशयात्रामा पन्चकन्या, विभिन्न महिला समुह, टोल विकास संस्था, भजन मण्डली, पञ्चेबाजा, सहिद स्मृति माध्यामिक विद्यालयका स्काउटका विद्यार्थीहरु, समाजजसेवी, राजनीतिक दलका प्रतिनिधि लगायतको उपस्थिति रहेको थियो । शनिबारदेखि शुरुभएको महायज्ञ माघ १८ गतेसम्म सञ्चालन हुनेछ ।
महायज्ञबाट तीन करोड रुपैयाँ आर्थिक संकलन हुने महायज्ञ आर्थिक व्यवस्थापन समितिका संयोजक भीमप्रसाद पोखरेलले बताउनुभयो । देवघाटमा प्रतिष्ठानको केन्द्रीय कार्यालय निर्माणसहित भारद्वाज ऋषिको आश्रम र धार्मिक पुस्तकालय निर्माण गर्ने उद्देश्यले महायज्ञ आयोजना गरिएको हो । यसैगरी एम्बुलेन्स सञ्चालन, वंशावली निर्माण, टेलिफोन डायरी प्रकाशन र विपन्न व्यक्तिको स्वास्थ्य उपचारमा सहयोगका लागि अक्षय कोष स्थापना गरिने पनि संयोजक पोखरेलले जानकारी दिनुभयो ।
प्रवीण दीनबन्धु पोखरेलबाट कथा वाचन हुने महायज्ञमा तुलादान, भूमिदान, ब्रतबन्ध, विवाह, चौरासी पूजा र ग्रहशान्तिसमेत गर्न सकिने उपाध्यक्ष शान्तप्रसाद पोखरेलले जानकारी दिनुभयो । महायज्ञको उपवाचकको रुपमा आचार्य दुर्गाप्रसाद पोखरेल रहनुभएको छ ।
भरतपुर । भारद्वाज गोत्रीय पोखरेल प्रतिष्ठान नेपालद्वारा आयोजित श्रीमद्भागवत महापुराण तथा धनधान्याचल ज्ञान महायज्ञको शनिबार पूर्व अर्थमन्त्री तथा साँसद सुरेन्द्र पाण्डेले उद्घाटन गर्नुभयो । भरतपुर–६, इन्द्रपुरीमा रहेको प्रतिष्ठानको कुल मन्दिरमा शुरु भएको महायज्ञको उद्घाटन गर्दै पाण्डेले राजनीति, धर्मनीति जसरी व्याख्या गरेपनि यिनीहरुको उद्देश्य समाजमा शान्ति स्थापना गर्नुनै रहेको बताउनुभयो ।
भाइचाराको सम्बन्धलाई सुमधुर बनाउनका लागि भारद्वाज गोत्रीय पोखरेल प्रतिष्ठान नेपालद्वारा महायज्ञ लगाइनु राम्रो भएको पाण्डेको भनाइ छ । समाजलाई अग्रगामी बाटोतर्फ लैजान र समृद्ध नेपाल बनाउन भारद्वाज गोत्रीय पोखरेलहरुले अनुकरणीय कार्य गरेको पाण्डेको भनाइ छ ।
सो महायज्ञको उद्घाटन कार्यक्रममा महायज्ञका प्रमुख वाचन प्रवीण दीनबन्धु पोखरेलले आफूभित्र भएको उर्जा उजागर गर्ने काम भागवतले गर्ने बताउनुभयो । कार्यक्रममा भारद्वाज ऋषिको बारेमा प्राडा गुरुप्रसाद सुवेदी, प्राडा गोविन्द पोखरेललगायतले प्रकाश पार्नुभएको थियो । त्यस अवसरमा भारद्वाज गोत्रीय पोखरेल प्रतिष्ठानलाई भवन निर्माणका लागि भूमि उपलब्ध गराउने स्वर्गीय चुडामणि पोखरेलको परिवारलाई सम्मान समेत गरिएको थियो ।
महायज्ञ उद्घाटन पूर्व महायज्ञ स्थलबाट कलश यात्रा शुरु भएर चोकबजार, तुलसीचोक हुँदै महायज्ञ स्थलमा आएर सम्पन भएको थियो । कलशयात्रामा पन्चकन्या, विभिन्न महिला समुह, टोल विकास संस्था, भजन मण्डली, पञ्चेबाजा, सहिद स्मृति माध्यामिक विद्यालयका स्काउटका विद्यार्थीहरु, समाजजसेवी, राजनीतिक दलका प्रतिनिधि लगायतको उपस्थिति रहेको थियो । शनिबारदेखि शुरुभएको महायज्ञ माघ १८ गतेसम्म सञ्चालन हुनेछ ।
महायज्ञबाट तीन करोड रुपैयाँ आर्थिक संकलन हुने महायज्ञ आर्थिक व्यवस्थापन समितिका संयोजक भीमप्रसाद पोखरेलले बताउनुभयो । देवघाटमा प्रतिष्ठानको केन्द्रीय कार्यालय निर्माणसहित भारद्वाज ऋषिको आश्रम र धार्मिक पुस्तकालय निर्माण गर्ने उद्देश्यले महायज्ञ आयोजना गरिएको हो । यसैगरी एम्बुलेन्स सञ्चालन, वंशावली निर्माण, टेलिफोन डायरी प्रकाशन र विपन्न व्यक्तिको स्वास्थ्य उपचारमा सहयोगका लागि अक्षय कोष स्थापना गरिने पनि संयोजक पोखरेलले जानकारी दिनुभयो ।
प्रवीण दीनबन्धु पोखरेलबाट कथा वाचन हुने महायज्ञमा तुलादान, भूमिदान, ब्रतबन्ध, विवाह, चौरासी पूजा र ग्रहशान्तिसमेत गर्न सकिने उपाध्यक्ष शान्तप्रसाद पोखरेलले जानकारी दिनुभयो । महायज्ञको उपवाचकको रुपमा आचार्य दुर्गाप्रसाद पोखरेल रहनुभएको छ ।