गरिमा विकास बैंकद्वारा लोगो परिवर्तन

काठमाण्डौ, १ माघ । गरिमा विकास बैंक लिमिटेडले आज माघ १ गतेदेखि लागू हुनेगरी आफ्नो आधिकारिक लोगो तथा छाप परिवर्तन गरेको छ । बैंकको दीर्घकालिन रणनीति अन्तर्गत गत कार्तिकमा सम्पन्न १९ औं वार्षिक साधारणसभाबाट लोगो तथा छाप परिवर्तन गर्ने विशेष प्रस्ताव पारित भएपश्चात आजबाट परिवर्तन गरिएको हो । बैंकले अन्य आवश्यक कानूनी प्रक्रियाहरु पूरा गरी नयाँ लोगो तथा छाप कार्यान्वयनमा ल्याएको जनाएको छ ।

परिवर्तित लोगोले विकास बैंकको आधुनिकता सहितको सरल पहिचान तथा विश्वसनिय बैकिङ् सेवाप्रतिको प्रतिबद्धतालाई प्रतिबिम्बित गर्ने विश्वास विकास बैंकले लिएको छ ।