सकियो सातौं खिचरा महोत्सव, तीन लाख दर्शकद्वारा अवलोकन
न्युजभित्तो/८ माघ २०७६, बुधबार २२:४८
चितवन । पूर्वी चितवनको खैरहनीमा आयोजित ‘सातौं खिचरा महोत्सव–२०७६’ को आज समापन गरिएको छ । माघी (खिचरा) पर्वको अवसरमा थारु कल्याणकारिणी सभा, चितवन क्षेत्र नम्वर७ द्वारा आयोजित महोत्सव खैरहनी–५ गौचरनमा ११ दिनसम्म चलेको थियो ।
महोत्सवको आज एक समारोहकाबीच थारु कल्याणकारिणी सभाका केन्द्रीय उपाध्यक्ष विष्णुकुमारी चौधरीले समापन गर्नुभयो । महोत्सव मूल आयोजक समितिका संयोजक चुडामणि चौधरीका अनुसार तीन लाख दर्शकले महोत्सव अवलोकन गरेका छन् ।
यस्तै आज महोत्सवको अन्तिम दिन पनि विभिन्न साँस्कृतिक कार्यक्रमहरु सम्पन्न भएका छन् । महोत्सवमा चर्चित कलाकारहरुको प्रस्तुती रहेको थियो । यसपटक महोत्सवको आकर्षणको रुपमा रहेको पोका, घोङीको प्रतिमा र थारु घरमा फोटो खिचाउने दर्शकहरुको भीड लागेको थियो ।
थारु समुदायको महान् पर्व माघी (खिचरा)को अवसरमा प्रत्येक वर्ष ‘खिचरा महोत्सव’ आयोजना हुँदै आइरहेको छ । महोत्सवले खिचरा पर्वको संरक्षण गर्नमा महत्वपूर्ण योगदान पुर्याउँदै आइरहेको महोत्सव मूल आयोजक समितिका संयोजक चुडामणि चौधरीले बताउनुभयो ।
महोत्सवमा थारुसंगै विभिन्न जातजातिको परम्परागत भेषभुषा सहितको साँस्कृतिक कार्यक्रमलाई जोड दिइएको थियो । महोत्सवमा यसवर्ष एक सय ५० वटा स्टल रहेका थिए ।
यसैबीच, सातौं खिचरा महोत्सव अन्तरगत आयोजित खिचरा डान्स आइडलको उपाधि दिपिका चौधरीले जित्नुभएको छ । भोटिङको आधारमा चौधरी विजेता बन्नुभएको हो। दिपिकाले ३० हजार रुपैयाँ पुरस्कार प्राप्त गर्नुभयो ।
यस्तै अभिषेक चौधरी द्धितीय र जेनिसा प्रजा तृतीय हुनुभयो । अभिषेकले २० हजार र जेनिसाले १० हजार रुपैयाँ प्राप्त गर्नुभयो। सान्त्वना स्थान हासिल गरेका एके ४७ ग्रुप र आशिष चौधरीले पाँच/पाँच हजार रुपैयाँ प्राप्त गरेका नृत्य समितिका संयोजक हरिशरण चौधरीले जानकारी दिनुभएको छ ।
चितवन । पूर्वी चितवनको खैरहनीमा आयोजित ‘सातौं खिचरा महोत्सव–२०७६’ को आज समापन गरिएको छ । माघी (खिचरा) पर्वको अवसरमा थारु कल्याणकारिणी सभा, चितवन क्षेत्र नम्वर७ द्वारा आयोजित महोत्सव खैरहनी–५ गौचरनमा ११ दिनसम्म चलेको थियो ।
महोत्सवको आज एक समारोहकाबीच थारु कल्याणकारिणी सभाका केन्द्रीय उपाध्यक्ष विष्णुकुमारी चौधरीले समापन गर्नुभयो । महोत्सव मूल आयोजक समितिका संयोजक चुडामणि चौधरीका अनुसार तीन लाख दर्शकले महोत्सव अवलोकन गरेका छन् ।
यस्तै आज महोत्सवको अन्तिम दिन पनि विभिन्न साँस्कृतिक कार्यक्रमहरु सम्पन्न भएका छन् । महोत्सवमा चर्चित कलाकारहरुको प्रस्तुती रहेको थियो । यसपटक महोत्सवको आकर्षणको रुपमा रहेको पोका, घोङीको प्रतिमा र थारु घरमा फोटो खिचाउने दर्शकहरुको भीड लागेको थियो ।
थारु समुदायको महान् पर्व माघी (खिचरा)को अवसरमा प्रत्येक वर्ष ‘खिचरा महोत्सव’ आयोजना हुँदै आइरहेको छ । महोत्सवले खिचरा पर्वको संरक्षण गर्नमा महत्वपूर्ण योगदान पुर्याउँदै आइरहेको महोत्सव मूल आयोजक समितिका संयोजक चुडामणि चौधरीले बताउनुभयो ।
महोत्सवमा थारुसंगै विभिन्न जातजातिको परम्परागत भेषभुषा सहितको साँस्कृतिक कार्यक्रमलाई जोड दिइएको थियो । महोत्सवमा यसवर्ष एक सय ५० वटा स्टल रहेका थिए ।
यसैबीच, सातौं खिचरा महोत्सव अन्तरगत आयोजित खिचरा डान्स आइडलको उपाधि दिपिका चौधरीले जित्नुभएको छ । भोटिङको आधारमा चौधरी विजेता बन्नुभएको हो। दिपिकाले ३० हजार रुपैयाँ पुरस्कार प्राप्त गर्नुभयो ।
यस्तै अभिषेक चौधरी द्धितीय र जेनिसा प्रजा तृतीय हुनुभयो । अभिषेकले २० हजार र जेनिसाले १० हजार रुपैयाँ प्राप्त गर्नुभयो। सान्त्वना स्थान हासिल गरेका एके ४७ ग्रुप र आशिष चौधरीले पाँच/पाँच हजार रुपैयाँ प्राप्त गरेका नृत्य समितिका संयोजक हरिशरण चौधरीले जानकारी दिनुभएको छ ।