नेपाल लेयर्स कुखुरापालक संघको अध्यक्षमा पुनः विनोद पोखरेल
न्युजभित्तो/४ पुष २०८२, शुक्रबार १९:४०
चितवन, ४ पुस । नेपाल लेयर्स कुखुरापालक संघको अध्यक्षमा पुनः विनोद पोखरेल निर्विरोध निर्वाचित हुनु भएको छ । भरतपुरमा आज सम्पन्न संघको तेस्रो साधारण सभा तथा दोस्रो अधिवेशनले पोखरेलको अध्यक्षतामा नयाँ कार्यसमिति निर्विरोध चयन गरेको हो ।
समितिको प्रथम उपाध्यक्षमा जोतेन्द्र श्रेष्ठ, द्वितिय उपाध्यक्षमा अमोद खनाल, महासचिवमा भेषराज अर्याल, सचिवमा मदन पोखरेल, सहसचिवमा विवेक निरौला, कोषाध्यक्षमा प्रकाश चापागाई र बरिष्ठ सदस्यमा राजेन्द्र लामिछाने रहनु भएको छ ।
यसैगरी समितिको सदस्यहरुमा राजु अधिकारी, संजिव खनाल, विवेक भट्ट, ललित जिसी, गंगाराम भट्टराई, भरत शर्मा, ध्रुव शर्मा र कृष्ण आले रहनु भएको छ ।
समितिले सुनिलकुमार शाक्य, त्रिलोचन कँडेल, शिजीप्रसाद कलवार र ठाकुरप्रसाद भट्टराईलाई सल्लाहकारमा चयन गरेको छ ।
साधारणसभामा पशु सेवा विभागका महानिर्देशक डा. रामानन्द तिवारीले निजी क्षेत्रको सक्रियतामा सरकारी निकायका विज्ञहरुबाट अण्डाको लागत मूल्य तय गरेकोमा धन्यवाद ज्ञापन गर्नुभयो । हालै संघले विज्ञ समूह बनाएर अण्डाको लागत मूल्य रु. १९.१२ कायम गरेको थियो । कृषि तथा वन विज्ञान विश्वविद्यालयका प्राध्यापकहरुको समूहले अध्ययन गरेर मूल्य प्रस्ताव गरेको थियो । किसान एवं व्यवसायीहरुले नयाँ लागत मूल्य सरकारी निकायबाट अनुमोदन गरिदिन अनुरोध गरेपछि महानिर्देशक तिवारीले सो कार्यको प्रशंसा गर्नुभएको हो । उहाँले भन्नुभयो “उपभोक्ता र किसानलाई लाभ हुन गरी लागत मूल्य निर्धारण भएको मलाई खुशी लागेको छ ।”
कार्यक्रममा उहाँले अब अण्डाको खपत बढाउनेतर्फ लाग्नुपर्ने बताउनुभयो । उहाँले भन्नुभयो “अब नेपालीको भोजनमा अण्डाको बानी बसाल्नुपर्छ ।”
नेपाल पोल्ट्री महासंघका अध्यक्ष गुणचन्द्र बिष्ट व्यवसायिक रुपमा धेरै लगानी गर्नेहरुले संस्थाको नेतृत्व गर्दा संस्था बिग्रन नपाउने बताउनुभयो । कुखुरा पालन क्षेत्रमा सानासाना कुरामा ध्यान दिन आग्रह गर्दै नयाँ प्रविधिको प्रयोग गरेर लागत घटाउनु पर्ने उहाँले बताउनुभयो ।
पोल्ट्री व्यवसायी मञ्चका अध्यक्ष रघुनाथ भट्टले लागत अनुसारको मूल्य नपाउँदा धेरै किसान विस्थापित भएको भन्दै अब निर्धारण भएको लागत मूल्य पाउने गरी बजारको व्यवस्थापन गर्नुपर्ने बताउनुभयो । राज्य पक्षले गर्नुपर्ने सहयोग गर्न नसक्दा पोल्ट्री क्षेत्र धरासायी बन्दै गएको अवस्थामा निजी क्षेत्रको सक्रियताबाट पूर्ववत अवस्थामा फर्कन लागेको बताउनुभयो ।
मञ्चका निवर्तमान अध्यक्ष राजेन्द्र लामिछाने र नेपाल अण्डा उत्पादक संघका पूर्व अध्यक्ष त्रिलोचन कँडेलले पोखरेलको नेतृत्वमा आफूहरुसहितको केही व्यवसायीहरु निरन्तर लागेका कारण धरासायी भएको अण्डाको बजार विस्तारै सुधार हुँदै गएको बताउनुभयो । लागत मूल्य पाउने अवस्थामा किसानहरु पुगेको भन्दै उहाँहरुले विज्ञ समूहहरुले तयार गरेको लागत मूल्यलाई सरकारले अनुमोदन गर्नुपर्ने बताउनुभयो ।
कार्यक्रममा चितवन उद्योग संघका उपाध्यक्ष विशाल चापागाई, दाना उद्योग संघका उपाध्यक्ष गोपाल टण्डन लगायतले शुभकामना दिनु भएको थियो ।
नवनिर्वाचित अध्यक्ष विनोद पोखरेलले बि.सं. २०७९ असोज २९ गते संघ स्थापना गरी अनवरत रुपमा देशभरी छरिएर रहेका उत्पादक र वितरकसँग समन्वयकारी भूमिका खेल्दै आजको अवस्थामा ल्याउन सफलता मिलेको बताउनुभया । यहाँसम्म आईपुग्नमा राज्यका सरोकारवाला निकाय, सुरक्षाकर्मी, पोल्ट्रीसँग आवद्ध संघ संगठनहरुको रचनात्मक सहयोगको भूमिका रहेको उहाँले बताउनुभयो । तत्कालिन समयमा संघ स्थापना भएर बजारीकरणमा नलागेको भए अहिले नेपाल अण्डामा आत्मनिर्भर अवस्थामा नहुने उहाँले बताउनुभयो ।
साधारणसभाको अवसरमा संघलाई विभिन्न तरिकाले सहयोग गर्नेहरुलाई सम्मान गरिएको थियो । दुई वर्षे कार्यकाल रहने समितिमा पोखरेल तेस्रो पटक अध्यक्ष बन्नु भएको हो । संघमा दुई सय ५० सदस्य रहेका छन् । यो क्षेत्रमा एक सय ५० अर्ब रुपैयाँभन्दा बढीको लगानी रहेको व्यवसायीको भनाई छ ।
चितवन, ४ पुस । नेपाल लेयर्स कुखुरापालक संघको अध्यक्षमा पुनः विनोद पोखरेल निर्विरोध निर्वाचित हुनु भएको छ । भरतपुरमा आज सम्पन्न संघको तेस्रो साधारण सभा तथा दोस्रो अधिवेशनले पोखरेलको अध्यक्षतामा नयाँ कार्यसमिति निर्विरोध चयन गरेको हो ।
समितिको प्रथम उपाध्यक्षमा जोतेन्द्र श्रेष्ठ, द्वितिय उपाध्यक्षमा अमोद खनाल, महासचिवमा भेषराज अर्याल, सचिवमा मदन पोखरेल, सहसचिवमा विवेक निरौला, कोषाध्यक्षमा प्रकाश चापागाई र बरिष्ठ सदस्यमा राजेन्द्र लामिछाने रहनु भएको छ ।
यसैगरी समितिको सदस्यहरुमा राजु अधिकारी, संजिव खनाल, विवेक भट्ट, ललित जिसी, गंगाराम भट्टराई, भरत शर्मा, ध्रुव शर्मा र कृष्ण आले रहनु भएको छ ।
समितिले सुनिलकुमार शाक्य, त्रिलोचन कँडेल, शिजीप्रसाद कलवार र ठाकुरप्रसाद भट्टराईलाई सल्लाहकारमा चयन गरेको छ ।
साधारणसभामा पशु सेवा विभागका महानिर्देशक डा. रामानन्द तिवारीले निजी क्षेत्रको सक्रियतामा सरकारी निकायका विज्ञहरुबाट अण्डाको लागत मूल्य तय गरेकोमा धन्यवाद ज्ञापन गर्नुभयो । हालै संघले विज्ञ समूह बनाएर अण्डाको लागत मूल्य रु. १९.१२ कायम गरेको थियो । कृषि तथा वन विज्ञान विश्वविद्यालयका प्राध्यापकहरुको समूहले अध्ययन गरेर मूल्य प्रस्ताव गरेको थियो । किसान एवं व्यवसायीहरुले नयाँ लागत मूल्य सरकारी निकायबाट अनुमोदन गरिदिन अनुरोध गरेपछि महानिर्देशक तिवारीले सो कार्यको प्रशंसा गर्नुभएको हो । उहाँले भन्नुभयो “उपभोक्ता र किसानलाई लाभ हुन गरी लागत मूल्य निर्धारण भएको मलाई खुशी लागेको छ ।”
कार्यक्रममा उहाँले अब अण्डाको खपत बढाउनेतर्फ लाग्नुपर्ने बताउनुभयो । उहाँले भन्नुभयो “अब नेपालीको भोजनमा अण्डाको बानी बसाल्नुपर्छ ।”
नेपाल पोल्ट्री महासंघका अध्यक्ष गुणचन्द्र बिष्ट व्यवसायिक रुपमा धेरै लगानी गर्नेहरुले संस्थाको नेतृत्व गर्दा संस्था बिग्रन नपाउने बताउनुभयो । कुखुरा पालन क्षेत्रमा सानासाना कुरामा ध्यान दिन आग्रह गर्दै नयाँ प्रविधिको प्रयोग गरेर लागत घटाउनु पर्ने उहाँले बताउनुभयो ।
पोल्ट्री व्यवसायी मञ्चका अध्यक्ष रघुनाथ भट्टले लागत अनुसारको मूल्य नपाउँदा धेरै किसान विस्थापित भएको भन्दै अब निर्धारण भएको लागत मूल्य पाउने गरी बजारको व्यवस्थापन गर्नुपर्ने बताउनुभयो । राज्य पक्षले गर्नुपर्ने सहयोग गर्न नसक्दा पोल्ट्री क्षेत्र धरासायी बन्दै गएको अवस्थामा निजी क्षेत्रको सक्रियताबाट पूर्ववत अवस्थामा फर्कन लागेको बताउनुभयो ।
मञ्चका निवर्तमान अध्यक्ष राजेन्द्र लामिछाने र नेपाल अण्डा उत्पादक संघका पूर्व अध्यक्ष त्रिलोचन कँडेलले पोखरेलको नेतृत्वमा आफूहरुसहितको केही व्यवसायीहरु निरन्तर लागेका कारण धरासायी भएको अण्डाको बजार विस्तारै सुधार हुँदै गएको बताउनुभयो । लागत मूल्य पाउने अवस्थामा किसानहरु पुगेको भन्दै उहाँहरुले विज्ञ समूहहरुले तयार गरेको लागत मूल्यलाई सरकारले अनुमोदन गर्नुपर्ने बताउनुभयो ।
कार्यक्रममा चितवन उद्योग संघका उपाध्यक्ष विशाल चापागाई, दाना उद्योग संघका उपाध्यक्ष गोपाल टण्डन लगायतले शुभकामना दिनु भएको थियो ।
नवनिर्वाचित अध्यक्ष विनोद पोखरेलले बि.सं. २०७९ असोज २९ गते संघ स्थापना गरी अनवरत रुपमा देशभरी छरिएर रहेका उत्पादक र वितरकसँग समन्वयकारी भूमिका खेल्दै आजको अवस्थामा ल्याउन सफलता मिलेको बताउनुभया । यहाँसम्म आईपुग्नमा राज्यका सरोकारवाला निकाय, सुरक्षाकर्मी, पोल्ट्रीसँग आवद्ध संघ संगठनहरुको रचनात्मक सहयोगको भूमिका रहेको उहाँले बताउनुभयो । तत्कालिन समयमा संघ स्थापना भएर बजारीकरणमा नलागेको भए अहिले नेपाल अण्डामा आत्मनिर्भर अवस्थामा नहुने उहाँले बताउनुभयो ।
साधारणसभाको अवसरमा संघलाई विभिन्न तरिकाले सहयोग गर्नेहरुलाई सम्मान गरिएको थियो । दुई वर्षे कार्यकाल रहने समितिमा पोखरेल तेस्रो पटक अध्यक्ष बन्नु भएको हो । संघमा दुई सय ५० सदस्य रहेका छन् । यो क्षेत्रमा एक सय ५० अर्ब रुपैयाँभन्दा बढीको लगानी रहेको व्यवसायीको भनाई छ ।