सम्पर्क  |  हाम्रो बारेमा  |  मुख्य पृष्ठ  |      |    | 
    • राष्ट्रिय
    • राजनीति
    • समाज
    • चितवन सेरोफेरो
    • अर्थ / बाणिज्य
    • कला/साहित्य
    • खेलकुद
    • अन्तर्राष्ट्रिय
    • विचार / अन्तर्वार्ता

पाँचखपनका थापा बढी धान उत्पादन गर्ने किसानका रूपमा सम्मानित


  •    न्युजभित्तो/३ पुष २०८२, बिहीबार १७:०४ 
  • खाँदबारी (सङ्खुवासभा), ३ पुस । सङ्खुवासभाको पाँचखपन नगरपालिका–६ का किसान भीमकुमार थापालाई धान उत्पादनमा उल्लेखनीय उपलब्धि हासिल गरेबापत सम्मान गरिएको छ । चालु आर्थिक वर्षमा ६० मुरीभन्दा बढी धान उत्पादन गर्न सफल हुनुभएका उहाँलाई नगरपालिकाभित्र सबैभन्दा बढी उत्पादन गर्ने किसानका रूपमा सम्मान गरिएको हो ।

    आज यहाँ आयोजित कार्यक्रममा पाँचखपन–६ का वडाध्यक्ष विष्णु श्रेष्ठले थापालाई नगद रु ३० हजारसहित सम्मानपत्र प्रदान गर्नुभयो । यहाँका किसानलाई सहज रूपमा खेती गर्ने वातावरण सिर्जना गर्दै उत्पादनमा आधारित प्रोत्साहन कार्यक्रम लागू गरिएको उहाँले जानकारी दिनुभयो ।

    किसानको मेहनतलाई सम्मान नगरी कृषि क्षेत्रको दिगो विकास सम्भव नहुने उल्लेख गर्दै उहाँले यस्ता पुरस्कारले अन्य किसानलाई पनि व्यावसायिक खेतीतर्फ प्रेरित गर्ने विश्वास व्यक्त गर्नुभयो ।

    किसान थापाले परम्परागतखेती प्रणालीलाई सुधार गर्दै आधुनिक प्रविधि, उन्नत जातका बीउ, समयमा मलखादको प्रयोग, नियमित सिँचाइ व्यवस्थापन, निरन्तर मेहनतलगायत कारणले बढी उत्पादन सम्भव भएको बताउनुभयो । सफलताका लागि परिवारको साथ, स्थानीय सरकारको सहयोग र निरन्तर परिश्रम प्रमुख कारण भएको उहाँको भनाइ छ ।

    थापाको सफलताबाट सिकेर यहाँका कतिपय किसानले धानखेतीलाई व्यावसायिक रूपमा अगाडि बढाउन थालेका वडाध्यक्ष श्रेष्ठले बताउनुभयो । स्थानीय सरकारले किसानलाई सम्मान र प्रोत्साहन दिने नीति अवलम्बन गरेसँगै कृषि क्षेत्रमा आत्मनिर्भरता हासिल गर्न सकिने किसानको विश्वास छ ।

    पाँचखपन–६ ले आगामी दिनमा पनि उत्पादनमा आधारित अनुदान, किसानलाई सम्मान, तालिम, बीउ तथा प्रविधि सहयोगलगायत कार्यक्रमलाई निरन्तरता दिने जनाएको छ । रासस

    तपाईको प्रतिक्रिया

    ताजा अपडेट

    आविष्कार केन्द्रको अवलोकन गर्दै मन्त्री तामाङले भने– आविष्कारको युगमा प्रदेश सरकारले सहयोग गर्छ
    दसैँ–तिहारपछि भरतपुर अस्पतालमा बिरामीको चाप
    टेन्ट टाँगेर आफ्नै थातथलो फर्किए टिमुरेका बाढीपीडित
    • दूरसञ्चार सेवा प्रदायकलाई जरिवाना र ब्याज मिनाहाको सुविधा
    • धार्मिक पर्यटन प्रवर्द्धन र सनातन धर्मलाई युवापुस्तासँग जोड्नुपर्नेमा मन्त्री तामाङको जोड
    • चितवनमा दसैँ–तिहार अवधिमा सडक दुर्घटनामा कमी, राजस्व बढ्यो
    • गोपका पूर्वप्रधानसम्पादक रिजाललाई मदनदास श्रेष्ठ उत्कृष्ट पत्रकारिता सम्मान

    हाम्रो बारेमा

    अध्यक्ष

    तिलक राम रिमाल

    सम्पादक

    सुजाता पोख्रेल  


    फेसबुकमा हामी

    News Vitto - न्यूजभित्तो

    सम्पर्क

      कृति मिडिया प्रा. लि. द्वारा सञ्चालित : न्यूज भित्तो  
       भरतपुर महानगरपालिका – १२, चितवन  

        ९८५५०३३२३६, ९८५५०८२५८५
      info@newsvitto.com, newsvitto@gmail.com
    सूचना तथा प्रसारण विभाग दर्ता नं: १३११/०७५/७६
    © Kriti Media Pvt.Ltd    |  All rights reserved. | Website By : WEBSOFTNEPAL Pvt.Ltd.