धादिङमा ट्रक दुर्घटना हुँदा ६ जनाको मृत्यु, १५ घाईते

धादिङ । धादिङको निलकण्ठ नगरपालिका वडा नं. ८ मा मिनी ट्रक दुर्घटना हुँदा ६ जनाको ज्यान गएको छ । जिल्ला प्रहरी कार्यालय धादिङका प्रहरी उपरीक्षक रवीन्द्र रेग्मीका अनुसार दुर्घटनामा १५ जना घाईते भएका छन् । घाइते मध्ये ५ जनाको अवस्था गम्भीर रहेको छ ।

गम्भीर घाइतेलाई उपचारका लागि काठमाडौं पठाईएको छ । अन्य घाइतेको जिल्ला अस्पताल धादिङमै उपचार भइरहेको प्रहरीले जनाएको छ ।

धादिङको ज्वालामुखी गाउँपालिका-४ मा रहेको ढोला मण्डलीमाईको दर्शन गरेर फर्किएका दर्शनार्थी चढेको ग १ ख ८०१२ नम्बरको मिनी ट्रक दुर्घटना भएको हो । ट्रकमा ढोला मण्डलीमाईको दर्शन गर्न गएका निलकण्ठ नगरपालिका-२ भुलभुलेका बासिन्दा चढेको प्रहरीले जनाएको छ ।