सम्पर्क  |  हाम्रो बारेमा  |  मुख्य पृष्ठ  |      |    | 
    • राष्ट्रिय
    • राजनीति
    • समाज
    • चितवन सेरोफेरो
    • अर्थ / बाणिज्य
    • कला/साहित्य
    • खेलकुद
    • अन्तर्राष्ट्रिय
    • विचार / अन्तर्वार्ता

सोनाम ल्होछारमा वागमति प्रदेशमा माघ १० गते सार्वजनिक बिदा


  •    न्युजभित्तो/५ माघ २०७६, आईतवार २०:५८ 
  • हेटौँडा । तामाङ समुदायको सबैभन्दा ठूलो पर्व सोनाम ल्होछारका अवसरमा वागमति प्रदेशले सार्वजनिक बिदा दिने निर्णय गरेको छ । यो निर्णयसँगै यहाँका बौद्धमार्गी तामाङ समुदाय उत्साहित भएका छन् । प्रदेश सरकारले ल्होछारका अवसरमा आगामी १० गते सार्वजनिक बिदाको घोषणा गरेको हो ।

    यसैबीच ल्होछारका अवसरमा हेटौँडामा ल्होछार महोत्सवसमेत हुने भएको छ । फाग–ल्हो (बँदेल वर्ग) लाई बिदाइ गरी जिवा–ल्हो (मुसा वर्ग)लाई स्वागत गर्दै मनाउन लागिएको सोनाम ल्होछार २८५६ का अवसरमा यही माघ १० र ११ गते महोत्सव आयोजना गर्न लागिएको हो । प्रदेशका तामाङ जातजातिका गुठी, गुम्बा, तामाङ घेदुङ, ह्याङ्ला तामाङ समाजलगायत विभिन्न सङ्घसंस्थाको आयोजनामा दोस्रो सोनाम ल्होछार महोत्सव २८५६ आयोजना गर्न लागिएको ल्होछार महोत्सव मूल समारोह समितिका संयोजक आत्माराम मोक्तानले जानकारी दिनुभयो ।

    महोत्सवमा राष्ट्रिय कलाकारको बेजोड प्रस्तुति ‘खुला सेलो नृत्य प्रतियोगिता’, ‘विभिन्न खेल’, महिला झाँक्रीको विशेष प्रस्तुति, पूजापाठ तथा तामाङ संस्कृति झल्कने विभिन्न प्रस्तुति एवं जातीय परिकार र सामग्रीका व्यापारिक कक्षसमेत रहने प्रचारप्रसार संयोजकसमेत रहनुभएका पत्रकार दिलबहादुर लामाले जानकारी दिनुभयो । महोत्सवका अवसरमा तान्बा बोन्पो, लामा झाँकी, विभिन्न वेषभूषासहितका सहभागीको र्यालीले हेटौँडा बजार परिक्रमा गर्ने नेपाल तामाङ युवा घेदुङका जिल्ला अध्यक्ष सुनिल लोप्चनले जानकारी दिनुभयो ।

    वाग्मती सरकारले ल्होछारका अवसरमा माघ १० गते सार्वजनिक बिदा दिने निर्णयसमेत गरेका कारण महोत्सव भव्य हुने आयोजकले जनाएको छ । प्रदेशको नामकरण र स्थायी राजधानी तोकिएपछि बसेको प्रदेश सरकारको पहिलो मन्त्रिपरिषद् बैठकले ल्होछारका अवसरमा माघ १० गते प्रदेशभर सार्वजनिक बिदा दिने निर्णय गरेको हो ।

    तपाईको प्रतिक्रिया

    ताजा अपडेट

    प्रधानमन्त्रीको भारत भ्रमणः द्विपक्षीय हित र सम्बन्ध विस्तारमा केन्द्रित हुन पूर्वपरराष्ट्रमन्त्रीहरूको सुझाव
    आविष्कार केन्द्रको अवलोकन गर्दै मन्त्री तामाङले भने– आविष्कारको युगमा प्रदेश सरकारले सहयोग गर्छ
    दसैँ–तिहारपछि भरतपुर अस्पतालमा बिरामीको चाप
    • टेन्ट टाँगेर आफ्नै थातथलो फर्किए टिमुरेका बाढीपीडित
    • दूरसञ्चार सेवा प्रदायकलाई जरिवाना र ब्याज मिनाहाको सुविधा
    • धार्मिक पर्यटन प्रवर्द्धन र सनातन धर्मलाई युवापुस्तासँग जोड्नुपर्नेमा मन्त्री तामाङको जोड
    • चितवनमा दसैँ–तिहार अवधिमा सडक दुर्घटनामा कमी, राजस्व बढ्यो

    हाम्रो बारेमा

    अध्यक्ष

    तिलक राम रिमाल

    सम्पादक

    सुजाता पोख्रेल  


    फेसबुकमा हामी

    News Vitto - न्यूजभित्तो

    सम्पर्क

      कृति मिडिया प्रा. लि. द्वारा सञ्चालित : न्यूज भित्तो  
       भरतपुर महानगरपालिका – १२, चितवन  

        ९८५५०३३२३६, ९८५५०८२५८५
      info@newsvitto.com, newsvitto@gmail.com
    सूचना तथा प्रसारण विभाग दर्ता नं: १३११/०७५/७६
    © Kriti Media Pvt.Ltd    |  All rights reserved. | Website By : WEBSOFTNEPAL Pvt.Ltd.