काठमाडौँ । १३० औँ अन्तर्राष्ट्रिय श्रमिक दिवस आज विभिन्न कार्यक्रम गरी विश्वभर मनाइँदै छ । मे १ तारिखको दिन विश्वका ८० भन्दा बढी राष्ट्रमा आधिकारिक रूपमा यो दिवस मनाइन्छ ।
आठ घण्टा काम, आठ घण्टा मनोरञ्जन र आठ घण्टा आराम गर्ने समयको माग गर्दै सन् १८८६मा अमेरिकाको शिकागो शहरमा मजदुरहरुले ठूलो संघर्ष गरेका थिए । उक्त संघर्षबाट अधिकार प्राप्त गरेको दिनको स्मरण गर्दै सन् १८९० देखि मे १ तारिखका दिन विश्वभर अन्तर्राष्ट्रिय श्रमिक दिवस मनाउन थालिएको हो । नेपालमा सन् १९६३ देखि अन्तराष्ट्रिय श्रमिक दिवस मनार्इँदै आइएको छ ।
आठघण्टे कार्यावधि माग गर्दै आन्दोलन गरिरहेका श्रमिकमाथि शिकागोमा दमन गरिएको थियो । घटनामा दर्जनौ श्रमिकको ज्यान गएको थियो । अन्तर्राष्ट्रिय श्रमिक दिवसको अवसरमा राष्ट्रपति विद्यादेवी भण्डारीले विश्व मजदुर दिवसले आफ्नो हक, अधिकार र स्वतन्त्रतालाई सामूहिक रुपमा बुलन्द गरी विश्वभरीका श्रमजीविलाई एकताको सूत्रमा बाँध्न सहयोग गर्ने विश्वास व्यक्त गर्नुभएको छ ।
त्यसैगरी, प्रधानमन्त्री केपी शर्मा ओलीले श्रमजीवीहरुको हक अधिकार सुनिश्चित गर्दै श्रम ऐन, २०७४ को पूर्ण कार्यान्वयन भएको उल्लेख गर्नुभएको छ । शुभकामना सन्देश मार्फत् प्रधानमन्त्री ओलीले न्यूनतम पारिश्रमिकमा ३९ प्रतिशतले वृद्धि गरीसकेको समेत जनाउनुभएको छ । प्रधानमन्त्री ओलीले स्वदेशमै आत्मसम्मानपूर्ण श्रम वातावरण र जीवन धान्न पुग्ने रोजीरोटीको अवसर श्रृजना गर्दै लैजाने प्रतिबद्धता समेत जाहेर गर्नुभएको छ ।
काठमाडौँ । १३० औँ अन्तर्राष्ट्रिय श्रमिक दिवस आज विभिन्न कार्यक्रम गरी विश्वभर मनाइँदै छ । मे १ तारिखको दिन विश्वका ८० भन्दा बढी राष्ट्रमा आधिकारिक रूपमा यो दिवस मनाइन्छ ।
आठ घण्टा काम, आठ घण्टा मनोरञ्जन र आठ घण्टा आराम गर्ने समयको माग गर्दै सन् १८८६मा अमेरिकाको शिकागो शहरमा मजदुरहरुले ठूलो संघर्ष गरेका थिए । उक्त संघर्षबाट अधिकार प्राप्त गरेको दिनको स्मरण गर्दै सन् १८९० देखि मे १ तारिखका दिन विश्वभर अन्तर्राष्ट्रिय श्रमिक दिवस मनाउन थालिएको हो । नेपालमा सन् १९६३ देखि अन्तराष्ट्रिय श्रमिक दिवस मनार्इँदै आइएको छ ।
आठघण्टे कार्यावधि माग गर्दै आन्दोलन गरिरहेका श्रमिकमाथि शिकागोमा दमन गरिएको थियो । घटनामा दर्जनौ श्रमिकको ज्यान गएको थियो ।
अन्तर्राष्ट्रिय श्रमिक दिवसको अवसरमा राष्ट्रपति विद्यादेवी भण्डारीले विश्व मजदुर दिवसले आफ्नो हक, अधिकार र स्वतन्त्रतालाई सामूहिक रुपमा बुलन्द गरी विश्वभरीका श्रमजीविलाई एकताको सूत्रमा बाँध्न सहयोग गर्ने विश्वास व्यक्त गर्नुभएको छ ।
त्यसैगरी, प्रधानमन्त्री केपी शर्मा ओलीले श्रमजीवीहरुको हक अधिकार सुनिश्चित गर्दै श्रम ऐन, २०७४ को पूर्ण कार्यान्वयन भएको उल्लेख गर्नुभएको छ । शुभकामना सन्देश मार्फत् प्रधानमन्त्री ओलीले न्यूनतम पारिश्रमिकमा ३९ प्रतिशतले वृद्धि गरीसकेको समेत जनाउनुभएको छ ।
प्रधानमन्त्री ओलीले स्वदेशमै आत्मसम्मानपूर्ण श्रम वातावरण र जीवन धान्न पुग्ने रोजीरोटीको अवसर श्रृजना गर्दै लैजाने प्रतिबद्धता समेत जाहेर गर्नुभएको छ ।