उद्योग वाणिज्य संघ चितवनको अध्यक्षमा राजु श्रेष्ठ

चितवन । उद्योग वाणिज्य संघ चितवनको अध्यक्षमा राजु श्रेष्ठ निर्वाचित हुनुभएको छ । मंगलबार सम्पन्न निर्वाचनमा श्रेष्ठले आफ्ना प्रतिष्पर्धी ज्ञानेन्द्रमान शाक्यलाई ७ सय ८७ मतान्तरले पराजित गर्दै विजयी हुनुभएको हो ।

श्रेष्ठले १ हजार ९ सय ८० मत प्राप्त गनुभयो भने उहाँका प्रतिद्वन्द्वी शाक्यले १ हजार १ सय ९३ मत प्राप्त गर्नुभएको निर्वाचन अधिकृत राजकुमार श्रेष्ठले जानकारी दिनुभयो । निर्वाचनमा कुल ३ हजार १ सय ७३ मत खसेको थियो ।

उद्योगतर्फ कार्यसमिति सदस्यमा अशोक अधिकारी, ई.कृष्णप्रसाद रिजाल, विनोद पौडेल, योगिता पिया, लीलबहादुर क्षेत्री, भानुभक्त न्यौपाने विजयी हुनुभएको छ । त्यस्तै, वाणिज्यतर्फ कार्यसमिति सदस्यमा ज्ञानुप्रसाद न्यौपाने, थिरप्रसाद धिताल, चेतनारायण सापकोटा, लक्ष्मी रिमाल पौडेल, विकास थापा र बद्री पौडेल विजयी हुनुभयो । महिलातर्फ कार्यसमिति सदस्यमा रजनी मास्के विजयी हुनुभएको छ । 

संघको बरिष्ठ उपाध्यक्षमा चुननारायण श्रेष्ठ तथा वाणिज्यतर्फ सुमनकुमार श्रेष्ठ, उद्योगतर्फ चिरञ्जिवी सुवेदी र क्षेत्रिय संगठिततर्फ भोजराज कौडाल तथा केही सदस्य यसअघि नै निर्विरोध निर्वाचित हुनुभएको थियो । संघको ५३ औं साधारण सभा तथा अधिवेशनले दुई वर्षे कार्यकालका लागि नयाँ नेतृत्व चयन गरेको हो ।