चितवन राईजद्वारा आयोजित ब्याडमिन्टन प्रतियोगिता शनिबार भरतपुरको कभर्डहलमा

चितवन, ३१ असोज । लाइन्स क्लब अफ चितवन राईजले आयोजना गरेको ब्याडमिन्टन प्रतियोगिता शनिबार (१ कात्तिक) मा भरतपुरको कभर्डहलमा हुने लागेको छ । शनिबार बिहान ८ बजेदेखि भरतपुर–१० स्थिति कभर्डहलमा प्रतियोगिता हुने भएको हो ।

क्लबका अध्यक्ष शिरिष पन्तका अनुसार प्रतियोगितामा लायन्स इन्टरनेशनल डिष्ट्रिक ३२५ आर अन्तर्गतका क्लबहरु सहभागी हुँदैछन् । प्रतियोगितामा २० भन्दा बढी समूह सहभागी हुने अध्यक्ष पन्तले जानकारी दिनुभयो ।

प्रतियोगितामा डिष्ट्रिक ३२५ आरभित्रका क्लब र क्लबको सदस्य अनिवार्य हुनु पर्ने व्यवस्था गरिएको छ । यो प्रतियोगिता जित हार मात्र नभई लायन्स क्लव बीचको मित्रता, एकता र आपसी भाइचाराको प्रदर्शन गर्न आयोजना गरिएको उहाँको भनाई छ ।

प्रतियोगितामा प्रथम हुनेलाई ५० हजार, दोस्रो हुनेलाई २५ हजार, तेस्रो हुने दुई समूहलाई १०–१० हजार नगदका साथमा ट्रफि, मेडल र प्रमाणपत्रको व्यवस्था रहेको छ । सम्पूर्ण लायन्स र खेलप्रेमी सर्वसाधारणहरुलाई प्रतियोगिता अवलोकनका लागि उहाँले आव्हान समेत गर्नुभयो ।

यो प्रतियोगिताको मुख्य प्रायोजक नेपोभिट टायल रहेको छ । सहप्रायोजकमा सुख भिल्ला, अस्पताल पार्टनमा मौलाकालिका अस्पताल, एजुकेशन पार्टनमा ग्रेस ईन्टरनेशनल एजुकेशन, सहयोगी पार्टनमा जेके सिमेन्ट टायल म्याक्स र ट्रफी पार्टनमा क्राफ्ट बास्केट रहेका छन् ।

नेपोभिट टायल नेपालको पहिलो टायल उद्योग हो । स्वदेशी लगानी, स्वदेशी कच्चा पदार्थ प्रयोग गरेर नेपालमा नै उत्पादन हुने यसले सबै प्रकारका टायल उत्पादन गर्दै आएको कम्पनीका अध्यक्ष मनोज प्रसाद रौनियारले बताउनुभयो । आयात प्रतिथापन गर्दै देशलाई टायलमा आत्मनिर्भर बनाउने कम्पनीको उद्देश्य रहेको उहाँको भनाई छ ।