रत्ननगर महोत्सव : कृषि परिसरमा अवलोकनकर्ताको विशेष आकर्षण
न्युजभित्तो/२८ पुष २०७६, सोमबार २१:३७
चितवन । रत्ननगर महोत्सवमा कृषि प्रवर्धनका लागि राखिएको कृषि परिसरमा अवलोकनकर्ताहरुको विशेष आकर्षण देखिएको छ । महोत्सवमा कृषि परिसर अवलोकन गर्ने र यसप्रति चासो राख्ने अवलोकनकर्ताहरुको सङ्ख्या दिनप्रतिदिन बढ्दै गएको महोत्सवको कृषि प्रवद्र्धन समितिका संयोजक ईश्वरी प्रसाद अर्यालले बताउनुभयो । दशौँ रत्ननगर महोत्सवमा किसानलाई व्यावसायिक खेतीतर्फ आकर्षित गर्ने उद्देश्यले छुट्टै कृषि परिसर राखिएको छ । कृषि प्रवद्र्धन समितिका संयोजक अर्यालकाअनुसार कृषि परिसर अवलोकनकर्ताहरुले अभिरुचीपूर्वक जिज्ञासासमेत राख्ने गरेका छन् ।
महोत्सवभित्र कृषिका लागि छुट्टै परिसर निर्माणगरि त्यहाँ केरा खेतीमा थोपा सिँचाई प्रविधि, बायो फ्लक प्रविधिबाट माछापालन, कौशी खेती तरकारी प्रविधि, च्याउ खेती प्रविधि, नेट हाउस भित्रको तरकारी खेती प्रविधि राखिएको छ । त्यस्तै ड्रागन फ्रुटको डेमोस्टेसन, माछा पोखरीलगायतका कृषिसँग सम्बन्धित जानकारीमूलक विषयवस्तुहरु कृषि परिसरमा राखिएको छ । प्रदर्शनमा राखिएको प्रविधिको बारेमा जान्न खोज्नेहरुलाई परामर्शको व्यवस्था समेत गरिएको अर्यालले बताउनुभयो ।
त्यस्तै, महोत्सवअन्तर्गत केरा बगैँचा प्रतियोगिता समेत हुँदैछ । पुस २५ गतेसम्म केरा किसानबाट निवेदन आह्वान गरिसकिएकाले उनीहरुबाट उत्कृष्ट केरा बगान छनौट गरिने अर्यालले जानकारी दिनुभयो । प्रतियोगिताका लागि प्रधानमन्त्री कृषि आधुनिकीकरण परियोजना, परियोजना कार्यान्वयन इकाइका प्रमुख मेघनाथ तिमिल्सिनाको संयोकत्वमा रत्ननगर नगरपालिका कृषि शाखाका प्रवीण लामा र कृषि ज्ञान केन्द्र चितवनका उमानाथ अर्याल मूल्याङ्कन समितिमा रहनुभएको अर्यालले बताउनुभयो ।
तीन सदस्यीय मूल्याङ्कन समितिको सिफारिस अनुसार कृषकलाई सम्मान गरिने अर्यालले जानकारी दिनुभयो । स्थानीय उत्पादनलाई प्रवद्र्धन गर्दै आयात प्रतिस्थापन गर्नका लागि महोत्सवमा कृषि परिसर राखेर नयाँ प्रविधिबारे किसानलाई जानकारी गराइएको महोत्सव मूल संयोजक एवम् रत्ननगर उद्योग वाणिज्य संघका अध्यक्ष राजाराम रेग्मीले बताउनुभयो ।
चितवन । रत्ननगर महोत्सवमा कृषि प्रवर्धनका लागि राखिएको कृषि परिसरमा अवलोकनकर्ताहरुको विशेष आकर्षण देखिएको छ । महोत्सवमा कृषि परिसर अवलोकन गर्ने र यसप्रति चासो राख्ने अवलोकनकर्ताहरुको सङ्ख्या दिनप्रतिदिन बढ्दै गएको महोत्सवको कृषि प्रवद्र्धन समितिका संयोजक ईश्वरी प्रसाद अर्यालले बताउनुभयो ।
दशौँ रत्ननगर महोत्सवमा किसानलाई व्यावसायिक खेतीतर्फ आकर्षित गर्ने उद्देश्यले छुट्टै कृषि परिसर राखिएको छ । कृषि प्रवद्र्धन समितिका संयोजक अर्यालकाअनुसार कृषि परिसर अवलोकनकर्ताहरुले अभिरुचीपूर्वक जिज्ञासासमेत राख्ने गरेका छन् ।
महोत्सवभित्र कृषिका लागि छुट्टै परिसर निर्माणगरि त्यहाँ केरा खेतीमा थोपा सिँचाई प्रविधि, बायो फ्लक प्रविधिबाट माछापालन, कौशी खेती तरकारी प्रविधि, च्याउ खेती प्रविधि, नेट हाउस भित्रको तरकारी खेती प्रविधि राखिएको छ । त्यस्तै ड्रागन फ्रुटको डेमोस्टेसन, माछा पोखरीलगायतका कृषिसँग सम्बन्धित जानकारीमूलक विषयवस्तुहरु कृषि परिसरमा राखिएको छ । प्रदर्शनमा राखिएको प्रविधिको बारेमा जान्न खोज्नेहरुलाई परामर्शको व्यवस्था समेत गरिएको अर्यालले बताउनुभयो ।
त्यस्तै, महोत्सवअन्तर्गत केरा बगैँचा प्रतियोगिता समेत हुँदैछ । पुस २५ गतेसम्म केरा किसानबाट निवेदन आह्वान गरिसकिएकाले उनीहरुबाट उत्कृष्ट केरा बगान छनौट गरिने अर्यालले जानकारी दिनुभयो । प्रतियोगिताका लागि प्रधानमन्त्री कृषि आधुनिकीकरण परियोजना, परियोजना कार्यान्वयन इकाइका प्रमुख मेघनाथ तिमिल्सिनाको संयोकत्वमा रत्ननगर नगरपालिका कृषि शाखाका प्रवीण लामा र कृषि ज्ञान केन्द्र चितवनका उमानाथ अर्याल मूल्याङ्कन समितिमा रहनुभएको अर्यालले बताउनुभयो ।
तीन सदस्यीय मूल्याङ्कन समितिको सिफारिस अनुसार कृषकलाई सम्मान गरिने अर्यालले जानकारी दिनुभयो । स्थानीय उत्पादनलाई प्रवद्र्धन गर्दै आयात प्रतिस्थापन गर्नका लागि महोत्सवमा कृषि परिसर राखेर नयाँ प्रविधिबारे किसानलाई जानकारी गराइएको महोत्सव मूल संयोजक एवम् रत्ननगर उद्योग वाणिज्य संघका अध्यक्ष राजाराम रेग्मीले बताउनुभयो ।