उवासंघ चितवनमा शाक्य र श्रेष्ठको भिडन्त, कसले मार्ला बाजी ?
न्युजभित्तो/२६ पुष २०७६, शनिबार ०८:५५
नारायणगढ । चितवनका उद्योगी व्यवसायीहरुले प्रतिष्ठाको लडाईँको रुपमा लिने उद्योग वाणिज्य संघ चितवनको नेतृत्वका लागि यसपालि राजु श्रेष्ठ र ज्ञानेन्द्रमान शाक्यबीच भिडन्त हुने भएको छ । संघको नयाँ अध्यक्षका लागि शाक्य र श्रेष्ठले उम्मेदवारी दर्ता गरेका हुन् ।
त्यसैगरी, संघको बरिष्ठ उपाध्यक्षमा विष्णुप्रसाद कँडेल र चुननारायण श्रेष्ठको उम्मेदवारी परेको छ । चुननारायण राजु श्रेष्ठको र कँडेल ज्ञानेन्द्रमान शाक्य प्यानलका हुन् । संघमा नयाँ कार्यकालका लागि तीनजना उपाध्यक्षसहित ६ जना निर्विरोध निर्वाचित भएका छन् । ती पदमा उनीहरुको मात्रै उम्मेदवारी परेकोले निर्विरोध निर्वाचित भएका हुन् । वाणिज्यतर्फ सुमनकुमार श्रेष्ठ, उद्योगतर्फ चिरञ्जिवी सुवेदी र क्षेत्रिय संगठिततर्फ भोजराज कौडालको मात्र उम्मेदवारी परेको मुख्य निर्वाचन अधिकृत राजकुमार श्रेष्ठले जानकारी दिनुभएको छ ।
क्षेत्रिय संगठित सदस्यमा मुक्तिकुमार श्रेष्ठ तथा कर्पोरेटतर्फबाट राजेन्द्र ओली र सिरिष पन्त पनि उद्योग वाणिज्य संघ चितवनको कार्यसमितिमा निर्विरोध निर्वाचित हुनुभएको छ ।
उद्योग वाणिज्य संघ चितवनको आगामी मंगलबार हुने निर्वाचनका लागि २५ पदमा ३७ जनाको उम्मेदवारी परेको छ । वस्तुगततर्फ चारजना सदस्यका लागि सात जना, वाणिज्यतर्फ छ जना सदस्यका लागि दश जना र महिला उद्यमी एक जनामा दुई जनाको उम्मेदवारी परेको छ । आज विहान ९ देखि ११ बजेसम्म उम्मेदवारी फिर्ताको समय छ ।
यसअघि राजु श्रेष्ठ र चुननारायण श्रेष्ठ अध्यक्षको आकांक्षी देखिएकामा संघका पूर्वअध्यक्षहरुले दुवैबीच गोलाप्रथा गराएर राजुलाई अध्यक्ष र चुननारायणलाई बरिष्ठ उपाध्यक्षमा सर्वसम्मत गराउने सहमति गरेका थिए । तर गोलाप्रथालाई अमान्य घोषित गर्दै ज्ञानेन्द्रमान शाक्यले अध्यक्षमा र विष्णुप्रसाद कँडेलले बरिष्ठ उपाध्यक्षमा उम्मेदवारी दिएका हुन् । शाक्य र कँडेलले संघका पूर्व अध्यक्षहरुको निर्णयलाई चुनौती दिँदै उम्मेदवारी दिएपछि यसले अहिले उद्योग वाणिज्य संघको राजनीतिमा तरङ्ग ल्याइदिएको छ ।
अध्यक्ष र बरिष्ठ उपाध्यक्षका उम्मेदवारहरु आ–आफ्नो क्षेत्रमा सफल व्यवसायी मानिन्छन् । हिजो भएको उम्मेदवारी दर्तासँगै उद्योगी, व्यवसायीबीच संघको नयाँ नेतृत्वमा कसले बाजी मार्ला भन्ने बहस र जोड घटाउ शुरु भएको छ ।
शाक्य र श्रेष्ठ यसअघि पनि संघको अध्यक्ष पदमा उम्मेदवार भएका थिए । तर उनीहरुले चुनाव जित्न सकेनन् । श्रेष्ठ हालका अध्यक्ष सहनलाल प्रधानसँग र शाक्य पूर्व अध्यक्ष डा. तिलचन्द्र भट्टराईसँग पराजित भएका थिए । त्यसैले पनि यी दुईबीचको भिडन्तलाई चासोका साथ हेरिएको छ ।
नारायणगढ । चितवनका उद्योगी व्यवसायीहरुले प्रतिष्ठाको लडाईँको रुपमा लिने उद्योग वाणिज्य संघ चितवनको नेतृत्वका लागि यसपालि राजु श्रेष्ठ र ज्ञानेन्द्रमान शाक्यबीच भिडन्त हुने भएको छ । संघको नयाँ अध्यक्षका लागि शाक्य र श्रेष्ठले उम्मेदवारी दर्ता गरेका हुन् ।
त्यसैगरी, संघको बरिष्ठ उपाध्यक्षमा विष्णुप्रसाद कँडेल र चुननारायण श्रेष्ठको उम्मेदवारी परेको छ । चुननारायण राजु श्रेष्ठको र कँडेल ज्ञानेन्द्रमान शाक्य प्यानलका हुन् ।
संघमा नयाँ कार्यकालका लागि तीनजना उपाध्यक्षसहित ६ जना निर्विरोध निर्वाचित भएका छन् । ती पदमा उनीहरुको मात्रै उम्मेदवारी परेकोले निर्विरोध निर्वाचित भएका हुन् । वाणिज्यतर्फ सुमनकुमार श्रेष्ठ, उद्योगतर्फ चिरञ्जिवी सुवेदी र क्षेत्रिय संगठिततर्फ भोजराज कौडालको मात्र उम्मेदवारी परेको मुख्य निर्वाचन अधिकृत राजकुमार श्रेष्ठले जानकारी दिनुभएको छ ।
क्षेत्रिय संगठित सदस्यमा मुक्तिकुमार श्रेष्ठ तथा कर्पोरेटतर्फबाट राजेन्द्र ओली र सिरिष पन्त पनि उद्योग वाणिज्य संघ चितवनको कार्यसमितिमा निर्विरोध निर्वाचित हुनुभएको छ ।
उद्योग वाणिज्य संघ चितवनको आगामी मंगलबार हुने निर्वाचनका लागि २५ पदमा ३७ जनाको उम्मेदवारी परेको छ । वस्तुगततर्फ चारजना सदस्यका लागि सात जना, वाणिज्यतर्फ छ जना सदस्यका लागि दश जना र महिला उद्यमी एक जनामा दुई जनाको उम्मेदवारी परेको छ । आज विहान ९ देखि ११ बजेसम्म उम्मेदवारी फिर्ताको समय छ ।
यसअघि राजु श्रेष्ठ र चुननारायण श्रेष्ठ अध्यक्षको आकांक्षी देखिएकामा संघका पूर्वअध्यक्षहरुले दुवैबीच गोलाप्रथा गराएर राजुलाई अध्यक्ष र चुननारायणलाई बरिष्ठ उपाध्यक्षमा सर्वसम्मत गराउने सहमति गरेका थिए । तर गोलाप्रथालाई अमान्य घोषित गर्दै ज्ञानेन्द्रमान शाक्यले अध्यक्षमा र विष्णुप्रसाद कँडेलले बरिष्ठ उपाध्यक्षमा उम्मेदवारी दिएका हुन् । शाक्य र कँडेलले संघका पूर्व अध्यक्षहरुको निर्णयलाई चुनौती दिँदै उम्मेदवारी दिएपछि यसले अहिले उद्योग वाणिज्य संघको राजनीतिमा तरङ्ग ल्याइदिएको छ ।
अध्यक्ष र बरिष्ठ उपाध्यक्षका उम्मेदवारहरु आ–आफ्नो क्षेत्रमा सफल व्यवसायी मानिन्छन् । हिजो भएको उम्मेदवारी दर्तासँगै उद्योगी, व्यवसायीबीच संघको नयाँ नेतृत्वमा कसले बाजी मार्ला भन्ने बहस र जोड घटाउ शुरु भएको छ ।
शाक्य र श्रेष्ठ यसअघि पनि संघको अध्यक्ष पदमा उम्मेदवार भएका थिए । तर उनीहरुले चुनाव जित्न सकेनन् । श्रेष्ठ हालका अध्यक्ष सहनलाल प्रधानसँग र शाक्य पूर्व अध्यक्ष डा. तिलचन्द्र भट्टराईसँग पराजित भएका थिए । त्यसैले पनि यी दुईबीचको भिडन्तलाई चासोका साथ हेरिएको छ ।