सम्पर्क  |  हाम्रो बारेमा  |  मुख्य पृष्ठ  |      |    | 
    • राष्ट्रिय
    • राजनीति
    • समाज
    • चितवन सेरोफेरो
    • अर्थ / बाणिज्य
    • कला/साहित्य
    • खेलकुद
    • अन्तर्राष्ट्रिय
    • विचार / अन्तर्वार्ता

पर्साका बालसुधार गृहका किशोरलाई आय आर्जन बढाउन तालिम


  •    न्युजभित्तो/२ भाद्र २०८२, सोमबार ११:१९ 
  • वीरगञ्ज (पर्सा), २ भदौ । बालबिज्याँई गरेर पर्साको बालसुधारगृहमा रहेका किशोरहरुलाई एक हप्ताको मैनबत्ती दिने तालिम दिएर उद्यमशीलतातर्फ अघि बढाइएको छ । पहिलो चरणमा यहाँका बालसुधार गृहमा रहेका १५ जना किशोरलाई मैनबत्ती बनाउने तालिम दिएर उद्यमशीलतातर्फ बढाउने काम गरिएको हो ।

    बालसुधार गृहमा बस्दै आएका एक किशोरले तालिमले आफूहरुलाई थोरै भए पनि आम्दानीको बाटो खोज्न मद्दत पुगेको बताउनुभयो ।‘‘यहाँ दिनभर खाली भएर बस्नुपर्ने हुन्थ्यो,’’ ती किशोरले भन्नुभयो,‘‘एक सातामा हामीले मैनबत्ती बनाउने सीप सिक्ने मौका पायाँैं । यसले कम्तीमा पनि केही गरेर खाने सीपको विकास भएको छ ।’’

    मैनबत्ती तालिमका प्रशिक्षक विपन उपाध्यायले बालसुधार गृहमा रहेका किशोरहरुले मैनबत्ती बनाउने कार्यमा निकै कुशलतापूर्वक सीप सिकेको बताउनुभयो ।‘‘हामीले सोचेको भन्दा धेरै राम्रो ढङ्गले बालसुधार गृहका किशोरहरुले मैनबत्ती बनाउनुभएको छ,’’ उहाँले भन्नुभयो,‘‘यस्ता खालका सीपले बालसुधारगृहभित्र वा बाहिर रहँदा पनि आम्दानीको स्रोत बढाउन मद्दत पु¥याउनेछ ।’’ यहाँका किशोरहरुले विभिन्न थरिका मैनबत्ती तयार पार्नुभएको छ ।

    पर्साका प्रमुख जिल्ला अधिकारी गणेश अर्यालले सीपमूलुक तालिमले बालसुधारगृहमा बसोबास गर्दै आइरहेका किशोरहरुलाई उद्यमशीलतातर्फ लम्किन सहयोगी भूमिका निर्वाह गर्ने बताउनुभयो ।‘‘बालसुधारगृहमा रहँदा नैराशयता भएर बस्ने होइन् । केही न केही रचनात्मक कार्य गरेर बस्न जरुरी हुन्छ,’’ उहाँले भन्नुभयो,‘‘मैनबत्तीको उज्यालो जस्तै तपाईहरुको जीवनमासमेत उज्यालो छिट्टै आउनेछ । त्यसैले उज्जवल भविष्यको आशा लिएर अघि बढ्नका लागि अनुरोध गर्दछौंँ ।’’ सानो पाइला र जिल्ला बाल न्यायिक समितिको संयोजनमा किशोरहरुको लागि मैनबत्ती बनाउने तालिम दिइएको थियो ।

    जिल्ला बाल न्यायिक समितिका सदस्य सुष्मा शर्माले सानो पाइला संस्थामार्फत बालसुधारगृहमा रहेका बालबालिकामार्फत व्यावसायिक ढङ्गले मैनबत्ती बनाउने कार्य अघि बढाइने बताउनुभयो ।‘‘मैनबत्तीको लागि आवश्यक पर्ने सम्पूर्ण कच्चापदार्थ र बजारीकरणको काम सानो पाइला संस्थामार्फत अघि बढाउनेछौँ ।’’ उहाँले भन्नुभयो,‘‘मैनबत्ती उत्पादनबाट हुने ४० प्रतिशत आम्दानी बालसुधारगृहका किशोरलाई र ६० प्रतिशत संस्थालाई जाने गरी उद्यमशीलताको विकास गर्न खोजेका छौँं ।’’सो तालिमको प्राविधिक सहयोग क्वेष्ट फर्मासिटिक्लसको सहयोग रहेको थियो । बालसुधारगृह पर्साका निमित्त प्रमुख कृष्णप्रसाद साहले बालसुधार गृहमा अहिले एक सय ३७ जना किशोर रहेको जानकारी दिनुभयो । रासस

    तपाईको प्रतिक्रिया

    ताजा अपडेट

    चितवनमा दसैँ–तिहार अवधिमा सडक दुर्घटनामा कमी, राजस्व बढ्यो
    गोपका पूर्वप्रधानसम्पादक रिजाललाई मदनदास श्रेष्ठ उत्कृष्ट पत्रकारिता सम्मान
    सवारी साधानको उच्च चाप भएपछि घोप्टेभिरमा दुईतर्फी यातायात सञ्चालन गर्न कठिन
    • भाइटीकाले दाजुभाइ तथा दिदीबहिनीबीचको प्रेम र आत्मीयतालाई अझ प्रगाढ बनाउँछः प्रधानमन्त्री शाह
    • मकै र भटमासको मूल्य बृद्धि: पशुपन्छीजन्यको उत्पादन लागत बढ्यो
    • चितवनका भिष्म अधिकारी निर्माण व्यवसायी महासंघको केन्द्रीय सदस्यमा मनोनित
    • डिडिसीको बिक्री कक्ष भरतपुरमा

    हाम्रो बारेमा

    अध्यक्ष

    तिलक राम रिमाल

    सम्पादक

    सुजाता पोख्रेल  


    फेसबुकमा हामी

    News Vitto - न्यूजभित्तो

    सम्पर्क

      कृति मिडिया प्रा. लि. द्वारा सञ्चालित : न्यूज भित्तो  
       भरतपुर महानगरपालिका – १२, चितवन  

        ९८५५०३३२३६, ९८५५०८२५८५
      info@newsvitto.com, newsvitto@gmail.com
    सूचना तथा प्रसारण विभाग दर्ता नं: १३११/०७५/७६
    © Kriti Media Pvt.Ltd    |  All rights reserved. | Website By : WEBSOFTNEPAL Pvt.Ltd.