सम्पर्क  |  हाम्रो बारेमा  |  मुख्य पृष्ठ  |      |    | 
    • राष्ट्रिय
    • राजनीति
    • समाज
    • चितवन सेरोफेरो
    • अर्थ / बाणिज्य
    • कला/साहित्य
    • खेलकुद
    • अन्तर्राष्ट्रिय
    • विचार / अन्तर्वार्ता

कोशी प्रदेश जनस्वास्थ्य प्रयोगशालामा न्यूनतम शुल्कमा स्वास्थ्य परीक्षण


  •    न्युजभित्तो/२८ श्रावण २०८२, मंगलवार ११:४४ 
  • मोरङ, २७ साउन । कोशी प्रदेश जनस्वास्थ्य प्रयोगशालाले सर्वसाधारण नागरिकलाई निजी क्षेत्रभन्दा न्यूनतम शुल्कमा स्वास्थ्य परीक्षण सेवा प्रदान गरेको छ ।
    विराटनगर महानगरपालिका–१० स्थित आफ्नो भवनमा अत्याधुनिक प्रयोगशालाबाट  दैनिक  एक सय ५० भन्दाबढी बिरामीले सेवा लिइरहेका प्रयोगशालाका प्रमुख प्रकाश कार्कीले जानकारी दिनुभयो । प्रयोगशालाबाट प्रदेशका १४ जिल्लाका बिरामीले सेवा लिँदै आएका छन् । गत आव २०८१/८२ मा २३ हजार ६९० जना बिरामीले प्रयोगशालाबाट परीक्षण सेवा प्राप्त गरेका छन् ।
    प्रयोगशालामा आएर प्रत्यक्ष रूपमा २२ हजार ३९० जनाले सेवा प्राप्त गरेका छन् भने हुलाक सेवामार्फत प्रदेशका विभिन्न जिल्लाका एक हजार ३०० बिरामीले सेवा प्राप्त गरेको प्रमुख कार्कीले बताउनुभयो ।  
    प्रयोगशालाले सेवा प्रदान गरेबापत गत आवमा रु एक करोड ६५ लाख २७ हजार ४४० राजस्व सङ्कलन गरेको जनाउँदै उहाँले रु ६९ लाख ३४ हजार ७३५ ज्येष्ठ नागरिक, विपन्न, अशक्तलगायत व्यक्तिलाई छुट दिइएको बताउनुभयो । सेवाग्राहीलाई एउटै कोठाबाट प्रयोगशालासम्बन्धी विभिन्न स्वास्थ्य परीक्षण गर्न ‘इन्टिग्रेटेड’ सञ्चालनमा ल्याएको छ ।
    गत आवमा पाँच हजार महिलाको पाठेघरको मुखको क्यान्सरको जाँच गरिएको कार्यालयले जनाएको छ । प्रदेशस्थित सम्पूर्ण निजी प्रयोगशालालाई स्थानीय तह र सङ्घीय सरकारको समन्वयमा पूर्ण रूपमा दर्ता प्रक्रियामा सहभागी गराउनुका साथै क्षयरोग, मलेरिया, डेङ्गु, दादुरा, जेईजस्ता रोगको पहिचानका लागि मलिकुलर विधिबाट परीक्षण सुरु गर्ने लक्ष्य राखिएको प्रमुख कार्कीले जानकारी दिनुभयो । रासस

    तपाईको प्रतिक्रिया

    ताजा अपडेट

    चितवनमा दसैँ–तिहार अवधिमा सडक दुर्घटनामा कमी, राजस्व बढ्यो
    गोपका पूर्वप्रधानसम्पादक रिजाललाई मदनदास श्रेष्ठ उत्कृष्ट पत्रकारिता सम्मान
    सवारी साधानको उच्च चाप भएपछि घोप्टेभिरमा दुईतर्फी यातायात सञ्चालन गर्न कठिन
    • भाइटीकाले दाजुभाइ तथा दिदीबहिनीबीचको प्रेम र आत्मीयतालाई अझ प्रगाढ बनाउँछः प्रधानमन्त्री शाह
    • मकै र भटमासको मूल्य बृद्धि: पशुपन्छीजन्यको उत्पादन लागत बढ्यो
    • चितवनका भिष्म अधिकारी निर्माण व्यवसायी महासंघको केन्द्रीय सदस्यमा मनोनित
    • डिडिसीको बिक्री कक्ष भरतपुरमा

    हाम्रो बारेमा

    अध्यक्ष

    तिलक राम रिमाल

    सम्पादक

    सुजाता पोख्रेल  


    फेसबुकमा हामी

    News Vitto - न्यूजभित्तो

    सम्पर्क

      कृति मिडिया प्रा. लि. द्वारा सञ्चालित : न्यूज भित्तो  
       भरतपुर महानगरपालिका – १२, चितवन  

        ९८५५०३३२३६, ९८५५०८२५८५
      info@newsvitto.com, newsvitto@gmail.com
    सूचना तथा प्रसारण विभाग दर्ता नं: १३११/०७५/७६
    © Kriti Media Pvt.Ltd    |  All rights reserved. | Website By : WEBSOFTNEPAL Pvt.Ltd.