भरतपुरमा माघ २४ देखि २८ गतेसम्म पाँचौँ क्यान इन्फोटेक मेला हुने
न्युजभित्तो/२१ पुष २०७६, सोमबार १४:२२
चितवन । चितवनको भरतपुरमा माघ २४ देखि २८ गतेसम्म पाँचौँ संस्करणको क्यान इन्फोटेक मेला हुने भएको छ । मेलाको आयोजक कम्प्युटर एशोसिएशन नेपाल महासंघ, चितवन शाखाले आज भरतपुरमा पत्रकार सम्मेलनको आयोजना गरी क्यान इन्फोटेक मेलाबारे जानकारी दिएको हो ।
नारायणगढको लायन्सचोकस्थित पुरानो तरकारी बजारमा मेला आयोजना हुनेछ । ‘चितवनको समृद्धि : सूचना प्रविधि’ भन्ने मूल नारासाथ हुने मेलामा कम्प्युटर हार्डवेयर, सफ्टवयेर, साइबर सुरक्षासम्बन्धी सामग्री, मोबाइल, स्मार्ट टिभी, उच्च शिक्षासम्बन्धी सेवा प्रदान गर्ने र कलेज एवम् परामर्शदाताका ८१ कक्ष रहने मेलाका मूल समिति संयोजकसमेत रहनुभएका क्यान चितवन शाखाका अध्यक्ष सन्तोष जनक भुषालले जानकारी दिनुभयो ।
सूचना प्रविधिको क्षेत्रमा भविष्य बनाउन चाहने युवा विद्यार्थीको प्रतिभा देखाउने र प्रोत्साहान गर्ने उद्देश्यले मेला आयोजना गरिएको अध्यक्ष भुषालले बताउनुभयो । उहाँले सूचना प्रविधि, मनोरञ्जनको क्षेत्रमा जनचेतना अभिवृद्धि गर्नाका साथै सक्षम, स्वावलम्बी र प्रविधिमैत्री युवा जनशक्ति निर्माण गर्न मेलाले सहयोग पुर्याउने विश्वास व्यक्त गर्नुभयो ।
मेलामा पहिलोपटक ‘ह्याकाथन’ आयोजना गरिने पनि भुषालले जानकारी दिनुभयो । ‘ह्याकाथन’ एक यस्तो सभा हो जहाँ प्रोग्रामरहरूले कम समयको अवधिमा एक चरम तरीकाले सहकार्य गर्दछन्।
आयोजकका अनुसार मेलामा आईटीसम्बन्धी अन्तरक्रिया, विभिन्न प्रतियोगिता, डिजिटल नेपाल प्रविधि प्रदर्शनी, जनचेतनामूलक कार्यक्रम तथा सेमिनार, रोबोटिक्स प्रदर्शनी, टोल विकास संस्थाका प्रतिनिधिहरुलाई आईटी सचेतना कार्यक्रम राखिएको छ ।
चितवन । चितवनको भरतपुरमा माघ २४ देखि २८ गतेसम्म पाँचौँ संस्करणको क्यान इन्फोटेक मेला हुने भएको छ । मेलाको आयोजक कम्प्युटर एशोसिएशन नेपाल महासंघ, चितवन शाखाले आज भरतपुरमा पत्रकार सम्मेलनको आयोजना गरी क्यान इन्फोटेक मेलाबारे जानकारी दिएको हो ।
नारायणगढको लायन्सचोकस्थित पुरानो तरकारी बजारमा मेला आयोजना हुनेछ । ‘चितवनको समृद्धि : सूचना प्रविधि’ भन्ने मूल नारासाथ हुने मेलामा कम्प्युटर हार्डवेयर, सफ्टवयेर, साइबर सुरक्षासम्बन्धी सामग्री, मोबाइल, स्मार्ट टिभी, उच्च शिक्षासम्बन्धी सेवा प्रदान गर्ने र कलेज एवम् परामर्शदाताका ८१ कक्ष रहने मेलाका मूल समिति संयोजकसमेत रहनुभएका क्यान चितवन शाखाका अध्यक्ष सन्तोष जनक भुषालले जानकारी दिनुभयो ।
सूचना प्रविधिको क्षेत्रमा भविष्य बनाउन चाहने युवा विद्यार्थीको प्रतिभा देखाउने र प्रोत्साहान गर्ने उद्देश्यले मेला आयोजना गरिएको अध्यक्ष भुषालले बताउनुभयो । उहाँले सूचना प्रविधि, मनोरञ्जनको क्षेत्रमा जनचेतना अभिवृद्धि गर्नाका साथै सक्षम, स्वावलम्बी र प्रविधिमैत्री युवा जनशक्ति निर्माण गर्न मेलाले सहयोग पुर्याउने विश्वास व्यक्त गर्नुभयो ।
मेलामा पहिलोपटक ‘ह्याकाथन’ आयोजना गरिने पनि भुषालले जानकारी दिनुभयो । ‘ह्याकाथन’ एक यस्तो सभा हो जहाँ प्रोग्रामरहरूले कम समयको अवधिमा एक चरम तरीकाले सहकार्य गर्दछन्।
आयोजकका अनुसार मेलामा आईटीसम्बन्धी अन्तरक्रिया, विभिन्न प्रतियोगिता, डिजिटल नेपाल प्रविधि प्रदर्शनी, जनचेतनामूलक कार्यक्रम तथा सेमिनार, रोबोटिक्स प्रदर्शनी, टोल विकास संस्थाका प्रतिनिधिहरुलाई आईटी सचेतना कार्यक्रम राखिएको छ ।