सम्पर्क  |  हाम्रो बारेमा  |  मुख्य पृष्ठ  |      |    | 
    • राष्ट्रिय
    • राजनीति
    • समाज
    • चितवन सेरोफेरो
    • अर्थ / बाणिज्य
    • कला/साहित्य
    • खेलकुद
    • अन्तर्राष्ट्रिय
    • विचार / अन्तर्वार्ता

सुनको भाउ अहिलेसम्मकै उच्च, बीस दिनमै चार हजारले वृद्धि


  •    न्युजभित्तो/२० पुष २०७६, आईतवार १५:२८ 
  • काठमाडौँ । नेपाली बजारमा सुनको मूल्य हालसम्मकै उच्च विन्दुमा पुगेको छ । शुक्रबार तोलाको ७४ हजार पाँच सय रुपैयाँमा कारोबार भएको छापावाला सुन साताको पहिलो दिन आज बजार खुल्ने बित्तिकै एक हजारले वृद्धिभई तोलाको ७५ हजार पाँच सय कायम भएको छ ।

    नेपाल सुनचाँदी व्यवसायी महासङ्घका अनुसार आज तेजाबी सुन भने तोलामा ७५ हजार दुई सय कायम भएको छ । शुक्रबार तेजाबी सुनको मूल्य ७४ हजार दुई सय थियो । चाँदीको मूल्य भने प्रतितोला नौ सय रुपैयाँमा कारोबार भएको छ । शुक्रबार पनि चाँदीको मूल्य नौ सय नै थियो ।

    यही पुस १ गते छापावाला सुन प्रतितोला ७१ हजार पाँच सयमा कारोबार भएको थियो भने तेजाबी सुन प्रतितोला ७१ हजार दुई सयमा कारोबार भएको थियो । आजसम्म आइपुग्दा छापावाल र तेजाबी सुन २० दिनको अन्तरालमा प्रतितोला चार हजार रुपैयाँले वृद्धि भएको छ । पुस १ गते प्रतितोला आठ सय ५० रुपैयाँमा कारोबार भएको चाँदी आज २० दिनमा आइपुग्दा प्रतितोला ५० रुपैयाँले वृद्धि भएको छ ।

    सुनचाँदी व्यवसायी महासङ्का अनुसार गत मङ्सिरमा सामान्य अङ्कले ओरालो लागेको सुनचाँदीको बजारमा पछिल्ला दिनमा भने उल्लेख्य मूल्य वृद्धि भएको छ । गत मङ्सिर १ गते छापावाल सुन प्रतितोला ७१ हजार ८ सय, तेजाबी सुन ७१ हजार ५ सय र चाँदी प्रतितोला ८ सय ५५ रुपैयाँमा कारोबार भएको थियो । अघिल्लो महिनाको २० गते छापावाला सुन प्रतितोला ७१ हजार ७ सय, तेजावी सुन ७१ हजार ४ सय र चाँदी ८ सय ५० रुपैयाँमा कारोबार भएको थियो ।

    एक महिनाको अवधिमा भने छापावाला र तेजाबी सुनमा प्रतितोला तीन हजार ८ सयले वृद्धि भएको छ । अमेरिका र इरानबीचको विवादले अन्तर्राष्ट्रिय बजारमा सुनको मूल्यमा वृद्धि हुँदा त्यसको प्रभाव नेपाली बजारसमेतमा परेको जनाइएको छ ।

    तपाईको प्रतिक्रिया

    ताजा अपडेट

    चितवनमा दसैँ–तिहार अवधिमा सडक दुर्घटनामा कमी, राजस्व बढ्यो
    गोपका पूर्वप्रधानसम्पादक रिजाललाई मदनदास श्रेष्ठ उत्कृष्ट पत्रकारिता सम्मान
    सवारी साधानको उच्च चाप भएपछि घोप्टेभिरमा दुईतर्फी यातायात सञ्चालन गर्न कठिन
    • भाइटीकाले दाजुभाइ तथा दिदीबहिनीबीचको प्रेम र आत्मीयतालाई अझ प्रगाढ बनाउँछः प्रधानमन्त्री शाह
    • मकै र भटमासको मूल्य बृद्धि: पशुपन्छीजन्यको उत्पादन लागत बढ्यो
    • चितवनका भिष्म अधिकारी निर्माण व्यवसायी महासंघको केन्द्रीय सदस्यमा मनोनित
    • डिडिसीको बिक्री कक्ष भरतपुरमा

    हाम्रो बारेमा

    अध्यक्ष

    तिलक राम रिमाल

    सम्पादक

    सुजाता पोख्रेल  


    फेसबुकमा हामी

    News Vitto - न्यूजभित्तो

    सम्पर्क

      कृति मिडिया प्रा. लि. द्वारा सञ्चालित : न्यूज भित्तो  
       भरतपुर महानगरपालिका – १२, चितवन  

        ९८५५०३३२३६, ९८५५०८२५८५
      info@newsvitto.com, newsvitto@gmail.com
    सूचना तथा प्रसारण विभाग दर्ता नं: १३११/०७५/७६
    © Kriti Media Pvt.Ltd    |  All rights reserved. | Website By : WEBSOFTNEPAL Pvt.Ltd.