तारापुञ्जको परिचयात्मक तथा सहकारी शिक्षा कार्यक्रम

    लक्ष्मण गौतम

चितवन । भरतपुरस्थित तारापुञ्ज बचत तथा ऋण सहकारी संस्थाले संस्थामा आवद्ध नयाँ सदस्यहरुलाई परिचयात्मक तथा सहकारी शिक्षा कार्यक्रम सम्पन्न गरेको छ । सहकारीले सञ्चालक समिति, उपसमिति र नयाँ सदस्यहरुबीच शनिबार परिचयात्मक तथा सहकारी शिक्षा कार्यक्रम सम्पन्न गरेको हो ।

कार्यक्रममा संस्थाका संस्थापक अध्यक्ष एवम् सल्लाहकार गोवर्धन गौली प्रमुख अतिथि तथा जिल्ला बचत संघका पूर्व अध्यक्ष तथा सल्लाहकार प्रमुख तेजेन्द्र बहादुर खड्का तथा संस्थाका अध्यक्ष सुदीप रेग्मी बिशिष्ट अतिथि रहनुभएको थियो । पछिल्लो समय संस्थामा आवद्ध भएका करिब ७०जना सदस्यहरुबीच भएको कार्यक्रममा तेजेन्द्रबहादुर खड्का र यमकला सुवेदीले प्रशिक्षण दिनुभएको थियो ।

त्यस अवसरमा सहकारी संस्थामा आवद्ध भएपछि हुने फाईदालगायत सहकारी शिक्षाका बारेमा जानकारी गराइएको थियो । सोही अवसरमा संस्थाले तयार गरेको श्रब्यदृष्य देखाउनुका साथै संस्थाका उपाध्यक्ष श्रीराम देवकोटा र सचिव रेगन पन्तले संस्थाको हालको अवस्था र गतिविधिका बारेमा जानकारी गराउनु भएको थियो ।

तारापुञ्ज रिसोर्टमा सम्पन्न भएको कार्यक्रमको अध्यक्षता शिक्षा समिति संयोजक हरि वस्तीले गर्नु भएको थियो भने सञ्चालक समितिका सदस्य पवित्रा पौडेलले स्वागत गर्नुभएको थियो ।